Lesiëm

Lesiëm
Oorsprong	Duitsland
Genres	Nuwe Era
Jare aktief	1999 – hede
Lede	Sven Meisel; Alex Wende

Lesiëm is 'n Duitse musiekprojek wat in 1999 deur die vervaardigers Sven Meisel en Alex Wende begin is. Die projek se musiek kombineer verskillende elemente van rock-, pop-, elektroniese musiek, Nuwe Era en Ambient-klanke asook Gregoriaanse gesange en ander koormusiek en val dus onder dieselfde musiekgenre soos Michael Cretu se projek Enigma, Eric Levi se Era, Frank Peterson se Gregorian en die Noorse kunstenaar Amethystium.

Lesiëm se debuutalbum Mystic, Spirit, Voices is in 2000 in Europa vrygestel. Twee jaar later het die album ook op die Amerikaanse mark verskyn waar dit nommer 7 op die trefferlys U.S. Billboard Charts bereik het. 'n Tweede langspeler is in 2001 as Chapter 2 in Europa en in 2003 as Illumination in die Verenigde State vrygestel.

Tussen Maart en Julie 2002 het die twee musikante hul derde musikale werk, die pop-opera Times, opgeneem wat as derde album vrygestel is. In die Verenigde State is hierdie langspeler in 2004 as Auracle vrygestel. Die enkelsnit Caritas met Maggie Reilly en die koor van die Deutsche Oper Berlin is in Desember 2002 in Jose Carreras se televisieprogram Carreras Gala bekendgestel.

Diskografie

Langspelers

Mystic, Spirit, Voices, Monopol Records, 31 Januarie 2000 (VSA: Mystic. Spirit. Voices, Intentcity Records, 2002)
Chapter 2, Monopol Records, Koch Records, 12 April 2001 (VSA: Illumination, Intentcity Records, 2003)
Times, Monopol Records, Epic Records/Sony BMG, 4 April 2003 (VSA: Auracle, Intentcity Records, 28 April 2006)

Enkelsnitte

Fundamentum, Monopol Records, 10 Januarie 2000
Indalo, Monopol Records, 5 Junie 2000
Africa, Monopol Records, 21 Maart 2000
Caritas, Epic Records/Sony BMG, 16 Desember 2002

Oudioboeke

Der steinige Weg, Monopol Records, 21 Oktober 2005

Eksterne skakels

Media