Jude Law

Jude Law
Law in 2007 by die Toronto-rolprentfees.
Geboortenaam	David Jude Heyworth Law
Geboorte	29 Desember 1971 (1971-12-29)
Nasionaliteit	Brit
Beroep(e)	Akteur
Aktiewe jare	1987-tans

David Jude Heyworth Law (gebore op 29 Desember 1972), professioneel beked as Jude Law, is ’n Britse akteur. Hy het benoemings gekry vir twee Oscars, twee Screen Actors Guild Awards, drie Golden Globes en twee Baftas, waarvan hy een gewen het. In 2007 het hy ’n ere-César ontvang en is hy aangewys as ’n chevalier van die Franse Orde van Kuns en Lettere.

Loopbaan

Law, wat sy loopbaan op die Britse verhoog begin het, het internasionaal aandag getrek met sy spel in The Talented Mr. Ripley (1999), waarvoor hy die Bafta vir beste manlike byspeler gewen en ’n Oscar-benoeming gekry het. In 2004 is hy vir ’n Oscar, Golden Glone en Bafta benoem vir sy rol in die oorlogsprent Cold Mountain (2003).

Sy ander noemenswaardige flieks sluit in Gattaca (1997), Enemy at the Gates (2001), A.I. Artificial Intelligence (2001), Road to Perdition (2002), Alfie (2004), Closer (2004), The Holiday (2006), Contagion (2011), Hugo (2011), Anna Karenina (2012), Side Effects (2013) en The Grand Budapest Hotel (2014). Hy was ook dr. Watson in Guy Ritchie se Sherlock Holmes (2009) en Sherlock Holmes: A Game of Shadows (2011).

Law het ook ’n suksesvolle loopbaan op die verhoog agter die rug. Hy is vir drie Laurence Olivier-pryse en twee Tonys benoem. Hy was in verskeie West End- en Broadway-produksies te sien.