J.A. Lückhoff
J.A. Lückhoff (1908–1975) was die skrywer van die gewilde reeks jeugboeke oor “Die vistermanne”.
Lewe en werk
[wysig | wysig bron]
Johann Anton Lückhoff is op 22 Augustus 1908 op Durbanville naby Kaapstad gebore[1] Sy vader, ds. A.D. Lückhoff, wat in 1874 in die pastorie op Colesberg gebore is terwyl sy vader, ds. Anton Daniël Lückhoff, leraar van die NG gemeente Colesberg was, was predikant van die NG gemeente Darling. In 1916 word sy ds. Lückhoff aangestel as Algemene Sekretaris van die Armesorg van die Kaapse Kerk en die gesin verhuis na Stellenbosch. Hier kry Anton sy skoolopleiding. Na matriek studeer hy verder aan die Universiteit van Stellenbosch, waar hy ’n B.Com.-graad behaal en hom ook bekwaam as onderwyser. In 1932 begin hy onderwys gee op Lady Grey, waarna hy onderwysposte beklee op Parow, aan die Hoërskool Nassau in Mowbray, Clanwilliam en dan aan die Hoër Volkskool, Graaff-Reinet. Hy is getroud met Corrie Visser van Porterville en hulle het drie kinders. Die seuns August en Abraham is albei predikante, terwyl die dogter Cecilia ’n onderwyseres is. Hy is oorlede op 23 Junie 1975.
Skryfwerk
[wysig | wysig bron]Benewens ’n paar artikels in koerante en tydskrifte skryf hy nie eintlik nie. Een van sy seuns moedig hom egter aan om te probeer. Hy skryf dan die gewilde jeugreeks oor “Die vistermanne”, waarin drie seuns gereeld speurder speel. Vir volwassenes skryf hy die roman “Die wit slavin”, wat in die Eike-romanreeks uitgegee word.
Publikasies
[wysig | wysig bron]| Jaar | Publikasies |
|---|---|
| 1961 | Die vistermanne |
| Die vistermanne strand | |
| 1963 | Die vistermanne seil |
| 1965 | Die wit slavin |
| 1968 | Die vistermanne duik |
| 1971 | Die vistermanne speur |
Bronnelys
[wysig | wysig bron]- Kannemeyer, J.C. “Geskiedenis van die Afrikaanse literatuur 2” Academica, Pretoria, Kaapstad en Johannesburg Eerste uitgawe Eerste druk 1983
Internet
[wysig | wysig bron]Ongepubliseerde dokumente
[wysig | wysig bron]- Nasionale Afrikaanse Letterkundige Museum en Navorsingsentrum (NALN) Bloemfontein “Lückhoff, Johann Anton – Biografie”