Indus
Indus | |
---|---|
![]() | |
Die stroomgebied van die Indus | |
Oorsprong | Sênggêkanbab, naby die berg Kailash in die Trans-Himalaja, Tibet (Volksrepubliek China) |
Monding | naby Sindh, Pakistan, in die Arabiese See Indiese Oseaan |
Stroomgebied | Volksrepubliek China, Indië en Pakistan |
Lengte | 3 200 km (2 000 myl) |
Oorspronghoogte | 5 300 m (17 389 voet) |
Mondinghoogte | 0 m (0 voet) |
Gemiddelde afloop | 6 600 m³/s (230 000 vt³/s) |
Stroomgebiedopp. | 1 165 000 km² (450 000 myl²) |
Kaart van die Indus-bekken in Asië
|
Die Indus (Sanskrit: सिन्धु; Oerdoe: دریائے سندھ, Darya-e Sindh; Hindi: सिन्धु नदी, Sindhu Nadi; Sindhi: سنڌو Sindhu; Panjabi: سندھ Sindh; Persies: Nilau "blou water" en Ab-e-sind "water van Sindh"; Arabies: نهر السند, Al-Sind; Tibettaans: སེང་གེ།་གཙང་པོ; Chinees: 森格藏布/狮泉河/印度河; Grieks: Ινδός Indós; Turks: Indus Nehri) is 'n groot suid-vloeiende rivier in Asië. Dié rivier, met 'n lengte van 3 200 km (2 000 myl), is die langste rivier in Suid-Asië en mond in die Arabiese See uit.[1] Saam met vier ander riviere kenmerk die Indus die streek Punjab, "die land van vyf riviere".
![](http://upload.wikimedia.org/wikipedia/commons/thumb/b/bb/Indus.A2002274.0610.1km.jpg/220px-Indus.A2002274.0610.1km.jpg)
Die Indus ontstaan deur die saamvloei van die Sênggê Zangbo met verdere spruite in die Trans-Himalaja in die Chinese outonome gewes Tibet, naby die berg Kailash. Aansluitend vloei dié rivier in 'n noordwestelike rigting deur die omstrede en outonome Noord-Indiese deelstaat Jammu en Kasjmir en verder deur Pakistan. In die noorde van dié land maak die Indus 'n boog in 'n suidwestelike rigting en vloei deur die provinsies Punjab en Sindh. Hier bereik dié rivier die stad Hyderabad, die grootste stad aan dié rivier. Verder suid mond die Indus net suidoos van Karatsji in die Arabiese See uit.
Die Indus is die belangrikste rivier in Pakistan en word as lewenslyn van dié land beskou. Die rivier is veral bekend vir die antieke Indusvalleibeskawing en as oostelike grenslyn van Alexander die Grote se groot ryk. Na die Indus is die Indiese subkontinent, Indië en die Pakistanse provinsie Sindh genoem.
Sien ook
[wysig | wysig bron]Fotogalery
[wysig | wysig bron]-
Saamvloei van Indus en Zanskar in Jammu en Kasjmir, Indië
-
Die Indus naby Leh, Indië
-
Die Indus soos vanaf die Karakoram-grootpad in Pakistan gesien
-
Ou brug oor die Indus in Pakistan
Verwysings
[wysig | wysig bron]- ↑ "Indus River" (in Engels). Encyclopædia Britannica. 3 Augustus 2019. Geargiveer vanaf die oorspronklike op 7 Mei 2020.
Eksterne skakels
[wysig | wysig bron]Wikimedia Commons het meer media in die kategorie Indus.