Haenertsburg

Haenertsburg Bjatladi
Gehug
Kommersiële kompleks geleë in Rissikstraat, Haenertsburg
Haenertsburg  Haenertsburg se ligging in Limpopo
Koördinate: 23°56′30″S 29°56′20″O
Land	Suid-Afrika
Provinsie	Limpopo
Distrik	Mopani
Munisipaliteit	Groter Tzaneen
Oppervlak
• Totaal	1,23 km2 (0,47 vk. myl)
Bevolking  (2011)
• Totaal	282
• Digtheid	229/km2 (590/vk. myl)
Rasverdeling (2011)
• Wit mense	73.4%
• Bruin mense	0.7%
• Swart mense	25.9%
Taal (2011)
• Engels	52.3%
• Afrikaans	23.1%
• Noord-Sotho	16.7%
• Tsonga	2.8%
• Ander	5.0%
Poskode (strate)	0730
Poskode (posbusse)	0730
Skakelkode	015

Haenertsburg is 'n gehug in die Limpopoprovinsie, Suid-Afrika.

Geskiedenis

Die dorpie is vernoem na Carl Ferdinand Haenert wat saam met sy broer goud in die heuwels hier ontdek het in 1886. Nadat die nuus versprei het was die dorp die hart van wat as die Woodbush-goudveld bekend gestaan het. Die vonds was egter binne twee jaar uitgeput.

Distrik

Bosbouplantasies vir die houtnywerheid is die belangrikste nywerheid in die distrik. Oor 'n dosyn gastehuise is in die onmiddellike omgewing geleë. Die Wolkberg-Zoeloe (Alaena margaritacea), 'n bedreigde vlinder, benewens Methuen se dwerggeitjie, die blouswael en 630 inheemse plantspesies kom in die plaaslik beskermde misgordel-grasveld voor. Hierdie habitat is grootliks deur bosbou en uitheemse indringerplante uitgedun, en word in die Haenertsburg Common bewaar. Die Louis Changuion-wandelpad se beginpunt is in Rissikstraat, en bied die stapper 'n keuse tussen 'n kort en lang (10 km) roete, met addisionele kortpaaie. Die roete is in 1993 deur die historikus prof. Louis Changuion uitgelê, en word deur vrywilligers onderhou. Prof. Changuion het ook die Long Tom-monument langs die Internasionale Arboretum opgerig.

Uitsig oor Haenertsburg vanaf die dorp se begraafplaas.

Sien ook

• Lys van dorpe in Suid-Afrika

Bronne

• Ensiklopedie van Suidelike Afrika. Eric Rosenthal 1967
• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• https://www.south-africa-info.co.za/country/town/659/haenertsburg-magoebaskloof