Frankfort

Frankfort
Dorp
Nywerheidpersele in Frankfort
Frankfort  Frankfort se ligging in Vrystaat
Koördinate: 27°17′S 28°31′O
Land	Suid-Afrika
Provinsie	Vrystaat
Distrik	Fezile Dabi
Munisipaliteit	Mafube
Stigting	1878
Oppervlak
• Totaal	15,14 km2 (5,85 vk. myl)
Hoogte	1 530 m (5 020 ft)
Bevolking  (2011)
• Totaal	5 840
• Digtheid	386/km2 (1 000/vk. myl)
Rasverdeling (2011)
• Wit mense	36.6%
• Indiërs/Asiërs	0.4%
• Bruin mense	0.4%
• Swart mense	62.0%
• Ander	0.6%
Taal (2011)
• Sotho	44.0%
• Afrikaans	37.5%
• Zoeloe	11.7%
• Engels	1.9%
• Ander	5.0%
Poskode (strate)	9830
Poskode (posbusse)	9830
Skakelkode	058

Frankfort in die Oos-Vrystaat lê aan die oewers van die Wilgerivier, wat 'n deel vorm van die Lesotho-Hoogland-waterprojek en water van Lesotho deur die As-, Liebenbergsvlei- en Wilgeriviere na die Vaaldam laat loop. Die Liebenbergsvleirivier vloei hier in die Wilgerivier in.

Geskiedenis

Die teenswoordige NG kerk Frankfort, waarvan pres. Marthinus Theunis Steyn die hoeksteen op 25 Maart 1911 gelê het. Die argitek was William Henry Ford.

Die dorp en NG gemeente is gestig op die plaas Roodepoort, 4 000 morge teen £1 000 van A. Allenberg gekoop. Die naam sou Cassel wees, maar ene Albert von Gordon, landmeter, afkomstig uit Frankfurt, Duitsland, het gratis opmeting aangebied mits die naam na sy geboorteplek Frankfurt ("Frankedrif") sou wees. 'n Grasdakkerkie met misvloer moes voorlopig as plek van aanbidding dien. Die dorp is in 1873 geproklameer en het in 1896 munisipale status ontvang. Tydens die Tweede Vryheidsoorlog het genl. Christiaan de Wet verskeie kere met die Britse magte slaags geraak in die omgewing.

Distrik

Die distrik is 3 380 km² groot en lê in die hart van die mieliedriehoek. Daar is 'n botterfabriek op die dorp. Voor die NG Kerk is 'n ou klok wat bewaar gebly het toe die Britte die oorspronklike kerk afgebrand het.

Sien ook

• Gereformeerde kerk Frankfort
• NG gemeente Frankfort
• Lys van dorpe in Suid-Afrika

Bronne

• Erasmus, B.P.J. Op pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.