Don
- Hierdie artikel handel oor die rivier in Rusland. Vir ander riviere met dieselfde naam, sien Don-rivier (dubbelsinnigheid).
Donrivier | |
---|---|
![]() | |
Die stroomgebied van die Don. | |
Oorsprong | Nowomoskofsk (Rusland) |
Monding | Rusland See van Azof, Swartsee |
Stroomgebied | Rusland |
Lengte | 1 950 km (1 212 myl) |
Oorspronghoogte | 180 m (591 voet) |
Mondinghoogte | 0 m |
Gemiddelde afloop | 935 m³/s (33 000 ft³/s) |
Stroomgebiedopp. | 425 600 km² (164 324 myl²) |
Kaart van die Don-bekken in Europa.
|
Die Don (Russies: Дон) is een van die belangrikste riviere in Rusland. Dit ontspring in die dorp Nowomoskofsk, 60 km suidoos van Toela (suidoos van Moskou), en vloei omtrent 1 950 km ver na die See van Azof.
Van sy bron af vloei die rivier suidoos na Woronezj, dan suidwes na sy mond. Die belangrikste dorp aan die Don is Rostof aan die Don en sy belangrikste sytak die Donets.
Geskiedenis
[wysig | wysig bron]![](http://upload.wikimedia.org/wikipedia/commons/thumb/a/ae/Don_%28Voronezh_Oblast%29.jpg/220px-Don_%28Voronezh_Oblast%29.jpg)
Argeologiese ontdekkings by Kostenki dui op beskawings wat 40 000 jaar gelede hier gewoon het. In die antieke tyd is die rivier beskou as die grens tussen Europa en Asië.[1] In die tyd van die antieke Skitië was dit in Grieks bekend as die Tanaïs, en dit was sedertdien ’n belangrike handelsroete.
Die moderne naam kom van die Skitiese (Oos-Irannese) Dānu, "rivier". Die naam van die Don-Kosakke, wat die vrugbare vallei van die rivier in die 16de en 17de eeu beset het, kom van die rivier af.
Damme en kanale
[wysig | wysig bron]By sy mees oostelike punt kom die rivier naby aan die Wolga-rivier, en die Wolga-Don-kanaal (lengte sowat 105 km) wat die twee riviere verbind, is ’n belangrike waterweg. Die watervlak van die Don word in hierdie gebied verhoog deur die Tsimljansk-opgaardam.
Verwysings
[wysig | wysig bron]- ↑ Norman Davies (1997). Europe: A History. p. 8. ISBN 0-7126-6633-8.
Nota
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Don River (Russia)
![]() |
Wikimedia Commons bevat media in verband met Don-rivier. |