Ditsong Nasionale Natuurhistoriese Museum
| Ditsong Nasionale Natuurhistoriese Museum | |
| |
Ditsong Nasionale Natuurhistoriese Museum
| |
| Vorige naam | Transvaal Museum; Staatsmuseum |
|---|---|
| Plek | Pretoria |
| Land |  Suid-Afrika
|
| Openingsjaar | 1892 |
| Tipe museum | Natuurhistories |
| Webtuiste | Ditsong Nasionale Natuurhistoriese Museum |
Die Ditsong Nasionale Natuurhistoriese Museum, in Paul Krugerstraat, Pretoria,[1] was voorheen bekend as die Transvaal Museum.[2]
Die museum is gestig as die Staatsmuseum van die ZAR op 1 Desember 1892 en is sedertdien die bewaarder en dokumentasiesentrum van Suid-Afrika se natuurlike erfenis. Die museum is die enigste natuurhistoriese museum in Gauteng en een van die grootste in Suid-Afrika.[2]
Versamelings
[wysig | wysig bron]Die museum se versamelings en uitstallings bestaan uit hominiemfossiele van die Wieg van die Mensdom Wêrelderfenisgebied en verwante fauna, insluitend Mev. Ples (die bynaam van 'n fossiel skedel wat beskou word as 'n verre verwant van die mensdom), fossiele, geraamtes, velle en gemonteerde monsters van amfibieë, visse, ongewerweldes, reptiele en soogdiere. Die museum se opvoedkundige programme is op hierdie versamelings gebaseer en inligting wat deur navorsing ontdek word, word met die mense van Suid-Afrika en met die internasionale gemeenskap gedeel.[2]
Die Ditsong Nasionale Natuurhistoriese Museum is uniek in die sin dat dit die enigste instituut in Suid-Afrika is wat die plaaslike, nasionale en internasionale gemeenskap die geleentheid bied om sy versamelings van fossielmateriaal te besigtig, aangesien hierdie soort materiaal nie gewoonlik aan die publiek tentoongestel word nie.[2]
-
Personeel van die museum in Maart 1909. Staande, links na regs, Thomas Jenkins, Alwin K. Haagner, (superintendent van die Nasionale Dieretuin), Fred O. Noome (taksidermis) en A.S. Kea. Sittend, links na regs, me. M. Collins, C.J.M. Swierstra (Assistentdirekteur), Dr. J.W.B. Gunning (Direkteur), mej. R. Leendertz (Botaniese Assistent) en me. S. Viljoen. -
'n Volle walvisskelet wat bewaar gebly het. -
Australopithecus africanus Mev. Ples (Sts 5) -
Australopithecus africanus (Sts 60) -
'n Tand van Australopithecus africanus in die Ditsong Nasionale Natuurhistoriese Museum se versameling.
.jpg)
Kulturele erfenis
[wysig | wysig bron]Die museum is op 4 Oktober 1996 as 'n provinsiale erfenisterrein aangewys ingevolge die Wet op Nasionale Erfenishulpbronne (25/1999). [3]
Verwysings
[wysig | wysig bron]- ↑ Ditsong Nasionale Natuurhistoriese Museum - kontakbesonderhede Geargiveer 3 Julie 2014 op Wayback Machine. Besoek op 21 Junie 2014
- ↑ 2,0 2,1 2,2 2,3 Ditsong Nasionale Natuurhistoriese Museum Geargiveer 30 September 2013 op Wayback Machine. Besoek op 21 Junie 2014
- ↑ Suid-Afrikaanse Erfenishulpbronagentskap - Item: 29781. Besoek op 21 Junie 2014
Eksterne skakels
[wysig | wysig bron]
Wikimedia Commons het meer media in die kategorie Ditsong Nasionale Natuurhistoriese Museum.- (en) Die Ditsong Nasionale Natuurhistoriese Museum se amptelike webwerf
25°45′12″S 28°11′21″O / 25.75333°S 28.18917°O
Normdata  |
|
|---|