Alhambra
| Alhambra, Generalife en Albayzín, Granada* | |
|---|---|
| Unesco-wêrelderfenisterrein | |
| |
  Alhambra |
|
| Koördinate: 37°10′36.81″N 3°35′23.95″W / 37.1768917°N 3.5899861°W | |
| Lande |  Spanje
|
| Tipe | Kultuur |
| Kriteria | i, iii, iv |
| Verwysings | 314bis |
| Streek† | Europa |
| Inskripsiegeskiedenis | |
| Inskripsie | 1984 (8ste Sessie) |
| Uitbreidings | 1994 |
| * Naam soos dit in die Wêrelderfenislys verskyn. † Streek soos deur Unesco geklassifiseer. | |
Alhambra (Arabies: قصر الحمراء - qasr alhamrā' – Rooi Paleis) is 'n middeleeuse paleis en fort in Spanje.[1] Die paleis is tussen 1238 en 1358 vir Moorse konings van die Granada-koninkryk in Andalusië (Suid-Spanje) gebou. Dit is op 'n heuwelagtige plato aan die suidoostelike grens van die stad Grenada geleë. Die paleis word as die land se indrukwekkendste gebou in die Moorse styl beskou. Die Alhambra is in 1984 (saam met die Palacio de Generalife en die Albayzín) deur UNESCO as wêrelderfenisgebied gelys.[2]
Die uitgebreide kompleks is (na die verowering van die koninkryk van Granada in 1492) deur die katolieke koningspaar as 'n belangrike buit beskou. Hul kleinseun, keiser Karel V, gee in 1526 na sy besoek aan Granada opdrag om 'n renaissancistiese paleis in die Alhambra te bou, waarvoor 'n deel van die Alhambra afgebreek is. Sy vrou het egter gesorg dat die res bewaar bly.
Die paleis is veral gewild onder Europese kunsstudente. Baie van die kunswerke is gerestoureer en dien as 'n goeie voorbeeld van Moorse kuns op die Europese vasteland. Toeriste moet daarop let dat slegs 'n beperkte aantal besoekers per dag toelaat word. Persone wat daar opdaag sonder om vooraf te bespreek, loop die gevaar om nie toegelaat te word nie.
Die Parador van Granada (vroeëre klooster van Sint Franciscus waar die katolieke koningin oorspronklik begrawe is) en die Palacio de Generalife kan in die tuine van Alhambra gevind word.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Alhambra, Generalife and Albayzín, Granada". World Heritage List. UNESCO. Geargiveer vanaf die oorspronklike op 19 April 2020. Besoek op 13 Januarie 2013.
Eksterne skakels
[wysig | wysig bron]- Amptelike webtuiste
Wikimedia Commons het meer media in die kategorie Alhambra.
-
Patio van keiser Karel V se paleis -
Panoramiese uitsig van die weste -
Uitsig van die Gernalife (Noord-ooste) -
Beligting in die nag -
Mocárabes -
Fontein van leeus -
Hof van die leeus -
Hof van die leeus -
Die swembad van die El Partal-paleis -
Gaste in die Comares-paleis
.jpg)
