Wikidata

Wikidata


Tipe webblad	Wiki
Taal(e)	Veeltalig
Registrasie	Opsioneel
Eienaar	Wikimedia Stigting
Outeur	Die gemeenskap
Opgerig	30 Oktober 2012
Huidige status	In wording
URL	www.wikidata.org

Wikidata is 'n projek van die Wikimedia-stigting wat 'n gesamentlik bewerkbare databasis ter ondersteuning van Wikipedia daarstel. Die projek is deur Wikimedia Duitsland begin en bied 'n gemeenskaplike bron van bepaalde tipes data, soos interwiki-skakels en geboortedata, wat in artikels op Wikipedia en elders gebruik kan word.^[1] Dit kan met Wikimedia Commons vergelyk word, maar voorsien data instede van media-lêers aan al Wikipedia se projekte.

Die bou van die projek word met donasies van die Allen Institute for Artificial Intelligence, die Gordon and Betty Moore Foundation en Google Inc. gefinansier, wat 'n totale bedrag van € 1,3 miljoen bewillig het.^[2]^[3]

Die webwerf is 'n tipiese wiki wat deur enige persoon opgedateer kan word. Dit is ontwerp om veeltalig te wees en deur mense sowel as masjiene gelees te kan word.

Wikidata is die eerste nuwe projek van die Wikimedia-stigting sedert 2006 toe Wikiversity opgestel is.^[4]