Pous Soter
Soter was die twaalfde pous van die Rooms-Katolieke Kerk.
Biografie
Pous Soter(us) is gebore in die dorp Fondi in Campanië, maar sy geboortedatum is onbekend. In 162 of 168 volg hy Pous Anicetus op en word in 170 of 177 na sy dood opgevolg deur Pous Eleuterus. Die naam ‘Soter’ beteken redder, verlosser of heiland.
Pontifikaat
Pous Soter staan bekend as die ‘pous van die liefdadigheid’. Hy het met die montaniste te kampe gehad tydens sy bewind. Hy het beslis dat ‘n huwelik slegs geldig is as dit deur ‘n priester ingeseën is. Hy sit Pous Anicetus se beleid voort met die jaarlikse viering van die Paasfees in Rome.
Verering
Pous Soter is gemartel tydens die christenvervolging onder Marcus Aurelius en word as heilige vereer, sy feesdag is op 22 April. Hy is begrawe in die Callixtus katakombe in Rome.
Webskakels
CE Inskrywing in die Catholic Encyclopedia (Engels)
BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
Verwysings
Nota
Saamgestel uit die Nederlandse, Engelse en Duitse wiki.
