Volksmoord

Tutsi-volksmoord in Rwanda (1994)

Volksmoord is die misdaad om 'n nasionale, etniese, rasse- of godsdienstige groep fisiek, kultureel of linguisties te vernietig, in die geheel of gedeeltelik. Dit word veroorsaak deur die skepping en polarisasie van verskillende groepe in 'n samelewing teen mekaar, wat daartoe lei dat lede van die groepe lede van ander groepe as niemense of diere beskou. Dit word gewoonlik onder die dekmantel van "teenterrorismebeleide" versteek en is byna onmoontlik om te stop as dit eers begin het.

In die geskiedenis gaan volksmoorde dikwels gepaard met tye van krisis of geweldige maatskaplike spanning. Die uitwissing van die teikengroep word dikwels in militaristiese terme beskryf, asof die meerderheidsgroep in oorlog met die teikengroep is, wat hulle dikwels glo dat hulle is.

Weens die aard van volksmoord se doelwit van angehele uitwissing, is geen suksesvolle volksmoord nog ooit uitgevoer nie.

Definisie

Die definisie van volksmoord verskil aansienlik tussen regerings, organisasies en mense. Die redes vir sulke groot variasie hang dikwels af wat diegene wat volksmoord defineer, daardie misdaad wil en nie wil oorweeg nie, as gevolg van die uiterste daarvan. Die definisie wat deur die Verenigde Nasies verskaf word, is dus die nuttigste, want die VN is die enigste transnasionale entiteit met die vermoë om die misdaad te vervolg en te poliseer.

Artikel II

In die huidige konvensie beteken volksmoord enige van die volgende handelinge wat gepleeg is met die doel om 'n nasionale, etniese, rasse- of godsdienstige groep in die geheel of gedeeltelik te vernietig:

I. Lede van die groep doodmaak;

II. Ernstige liggaamlike of geestelike leed aan lede van die groep veroorsaak;

III. Opsetlike lewensomstandighede aan die groep toedien wat bereken is om die fisiese vernietiging daarvan in die geheel of gedeeltelik teweeg te bring;

IV. Maatreëls instel wat bedoel om geboortes binne die groep te voorkom;

V. Kinders van die groep met geweld na 'n ander groep oorplaas.

Ander groepe mag ander definisies gebruik, maar dit is die algemeenste.

die Tien Stappe soos gedefinieer deur Genocide Watch

Genocide Watch het 'n lys van tien stappe geskep waardeur 'n samelewing gaan om geklassifiseer te word as in die aanloop tot, in die proses van of in die nasleep van 'n volksmoord. Die stappe is nie lineêr nie, elke stap is op sigself 'n proses.

I. Klassifikasie

Die skepping van 'n "ons en hulle" mentaliteit wat sê dat daar twee of meer verskillende en afsonderlike dele van die samelewing is. In die geskiedenis is die skeiding oor die algemeen langs die grens van godsdiens gemaak, soos die godsdienstig-gemotiveerde konflikte van Die Kruistogte, en nasionaliteit, soos Julius Caesar se verowering van die Galliërs, maar in die hedendaagse tyd het dit gegroei om ook dikwels etnisiteit te omvat.

Samelewings wat reeds in verskillende groepe gesegmenteer is weens historiese, linguistiese, etniese of godsdienstige redes met min oorvleueling tussen die groepe, loop dikwels 'n groter risiko van volksmoord as dié wat nie.

II. Simbolisering

Die skepping van name en simbole om die binnegroep en buitegroep te merk, soos die woord "Afrikaner" in Afrikaanse kultuur of die geel sterre van Dawid wat gebruik is om te wys wie 'n Jood in Nazi-Duitsland was.

III. Diskriminasie

Dei skepping van wette en regulasies deur 'n groep met mag met die doel om regte, berskerming en selfs burgerskap van ander groepe te ontsê. Die groepe word dikwels geskei in waar hulle in staat is om te gaan, en mag word van die teikengroepe gestroop.

IV. Verontmensliking

Die menslikheid van 'n groep word ontken. Om die meerderheidsgroep se weersin teen moord te oorkom, word die minderheidsgroep gelykgestel aan vuilheid, ongediertes, insekte en plae. Hulle kultuur word gelykgestel aan ondersedelikheid en boosheid, en haatspraak kan die radio, openbare toesprake, sosiale media en ander kommunikasiemetodes oorskry.

V. Organisering

Die volksmoord word voorberei, gewoonlik deur die regering, maar dikwels ook deur onafhanklike groepe, óf om die regering ontkenbaarheid te gee, óf op plekke waar die regering óf nie die vermoë het om hulle te keer nie óf doelbewus nie het nie. Spesiale groepe word dikwels spesifiek opgelei oor hoe om die volksmoord te pleeg, gewoonlik in die weermag, aangesien krisistye soos oorloë dikwels benut word om die misdaad te pleeg.

VI. Polarisasie

Ekstremiste dryf die groepe verder uitmekaar met gewelddadige dade wat die bevolking verder polariseer, wat enigiemand nog neutraal op die verdeling dwing om 'n groep te kies. Enige verdere gematigde stemme word stilgemaak deur terrorisme en intimidasie. Enige regte en vryhede wat die minderheidsgroep nog het, word weggekalwe met die aanneming van noodwette wat die dominante groep volkome beheer gee.

VII. Voorbereiding

Leiers van die dominante groep begin praat oor "die vraag" van die minderheidsgroep se bestaan, en oor hoe as die minderheidsgroep nie uitgeroei word nie, hulle die meerderheidsgroep sal uitroei. Hulle retoriek word dikwels in eufemismes gedek om hulle ontkenbaarheid te gee en om die blodskap meer toeganklik vir die algemene publiek te maak.

VIII. Vervolging

Slagoffers word weens hulle nasionale, etniese, rasse- of godsdienstige identiteit geïdentifiseer, hulle basiese menseregte word geskend deur misdade soos marteling, buitegeregtelike moord en gedwonge verplasing, en hulle lewens word heeltemal vernietig. Dit word deur die Internasionale Geregshof dade van volksmoord oorweeg, omdat hulle reeds die doel het om 'n groep te vernietig.

IX. Uitwissing

Wanneer die uitwissings begin word dit die daad wat wetlik bekend staan as "volksmoord". Alle volksmoorde het 'n doel, van die algehele vernietiging van 'n etniese groep soos die etniese suiwering wat teen Joodse, Roma en in 'n mindere mate Slawiese volke deur Nazi-Duitsland gepleeg is tydens die Tweede Wêreldoorlog die uitskakeling van alle opgevoede lede van 'n groep soos wat die Khmer Rouge gepleeg is, die moord op die hele manlike bevolking soos in die volksmoorde in die nasleep van die Joego-Slawiese Oorloë, of die massaverkragting van vrouens soos dié wat tydens die Darfoer-volksmoord in Soedan uitgevoer is. Massaverkragting het 'n kenmerk van moderne volksmoorde geword, as gevolg van die aard daarvan wat die slagoffergroep geneties verander en vernietig. Soms kan wraakmoorde vir 'n volksmoord tot 'n volksmoord van hulle eie ontwikkel, wat 'n volksmoordsiklus skep, aangesien in die herhaalde siklus van geweld in Barundi. Die vernietiging van eiendom of artifakte van 'n groep word dikwels gebruik, wat as kulturele volksmoord beskou word, soos tydens die Armeense Volksmoord.

Totale oorlog is inherent volksmoord weens sy gebrek aan differensiasie tussen soldate en nie-vegtendes. Tapytbomaanvalle, brandbomaanvalle, hospitaalbomaanvalle en die gebruik van biologiese wapens is dus ook dade van volksmoord, sowel as terrorisme, as gevolg van die gebrek aan onderskeid tussen vegters en nie-vegtendes wanneer dit op burgerlikes gerig word. Die gebruik van kernwapens is die uiteindelike daad van volksmoord, omdat dit doelbewus bedoel is om 'n wesenlike deel van 'n nasionale groep te vernietig.

X. Ontkenning

Ontkenning duur regdeur en na 'n volksmoord en is van die sekerste aanduidings dat 'n volksmoord plaasvind. Die groep wat die volksmoord pleeg, sal alles in hulle vermoë doen om die misdade te verberg, en die misdade op die slagoffers blameer, hulle teen-insurgensiemaatreëls or voorlopige aanvalle op terroriste-selle noem. Tensy die ontkenningsfase beëindig is, sal slagtings gewaarborg word om voort te gaan.

Suidelike Afrika

Genocide Watch het Suid-Afrika in Mei 2011 gelys as in 'n "vlak 5" van volksmoord. Die oortreders word aangedui as swart rassiste teenoor Boere en vlugtelinge. Zimbabwe is ook gelys op "vlak 5". Die oortreders is die Shonas teen Matabele.

Sien ook

• Armeense volksmoord
• Holodomor
• Holocaust
• Namibiese volksmoord 1904–1908
• Ponties-Griekse volksmoord
• San-en-Khoi-volksmoordgedenkteken
• Volksmoordkonvensie

Eksterne skakels

• (en) Genocide Watch
• (en) Afrikaner Genocide Museum Geargiveer 27 Junie 2011 op Wayback Machine
• (en) Convention on the Prevention of the Crime of Genocide