Yajna
Yajna (Sanskrit: यज्ञ, "offerande", "verering", "aanbidding") verwys in Hindoeïsme na enige ritueel wat voor ’n heilige vuur uitgevoer word, dikwels gepaardgaande mat mantras.[1] Yajna was ’n Vediese tradisie wat in die Brahmana-geskrifte verduidelik word, sowel as in die Yajurveda.[2]
Geskrifte oor yajna-rituele is die Karma-kanda (rituele werke)-deel van die Vediese letterkunde genoem, in teenstelling met die Jnana-kanda (kennis)-deel in die Upanishads. Die regte voltooiing van yajna-rituele was die fokus van die Mimansaskool van Hindoefilosofie.[3] Yajna speel ’n belangrike rol in deurgangsrites, soos huwelike.[4] Moderne tempelseremonies, gemeenskapsvierings en kloosterinisiasies kan ook Vediese yajna-rites insluit.
Etimologie
wysigDie woord "yajna" se wortel lê in die Sanskrit-woord yaj, wat beteken "om te aanbid, vereer", en verskyn in die vroeë Vediese geskrifte wat in die 2de millennium v.C. saamgestel is.[5][6]
Die Sanskrit-woord is verwant aan die Avestiese term yasna van Zoroastrisme. Dié verwys egter na ’n spesifieke godsdienstige diens, nie ’n soort ritueel nie, en het te doen met water eerder as vuur. Die Sanskrit-woord is ook verwant aan die antieke Griekse woord ἅζομαι (házomai), "om te eerbiedig", wat kom van die Proto-Indo-Europese wortel *Hyeh₂ǵ- ("om te aanbid").
Verwysings
wysig- ↑ SG Nigal (1986), Axiological Approach to the Vedas, Northern Book, ISBN 978-8185119182, ble. 80-81
- ↑ Laurie Patton (2005), The Hindu World (reds.: Sushil Mittal, Gene Thursby), Routledge, ISBN 978-0415772273, ble. 38-39
- ↑ Randall Collins (1998), The Sociology of Philosophies, Harvard University Press, ISBN 978-0674001879, bl. 248
- ↑ Hindu Saṁskāras: Socio-religious Study of the Hindu Sacraments, Rajbali Pandey (1969), sien hoofstuk VIII, ISBN 978-8120803961, ble. 153-233
- ↑ Monier Monier-Williams, Sanskrit English Dictionary, Oxford University Press, ISBN 978-8120831056 (Herdruk in 2011), ble. 839-840
- ↑ Jack Sikora (2002), Religions of India, iUniverse, ISBN 978-0595247127, bl. 86
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
