Sjintoïsme
Sjintoïsme (神道 Shintō?) is die inheemse geloof van Japan en was vroeër die land se staatsgodsdiens. Dit is 'n soort politeïsme (veelgodery), en behels die aanbidding van Boeddha of kami (神?)-geeste. Sommige kami is plaaslik en kan beskou word as die geestelike wese of gees van genie van 'n besondere plek, maar ander verteenwoordig belangrike natuurlike voorwerpe en prosesse: byvoorbeeld, Amaterasu, die Songodin, of die berg Foedji. Sjinto is 'n animistiese geloofstelsel. Die woord Sjinto, van die oorspronklike Chinese Shêntao (神道),[1] kombineer twee kanji: "shin" (神?) (leenwoorde behou gewoonlik hulle Chinese uitspraak, us shin en nie kami nie), wat gode of geeste beteken; en "tō" (道?), wat 'n filosofiese weg of pad beteken (oorspronklik van die Chinese woord dao). As sodanig word Sjinto baie keer vertaal as "Die Weg van die Gode". 'n Paar verskille bestaan tussen KoSjinto (die antieke Sjinto) en die baie soorte Sjinto wat vandag geleer en in gebruik is, wat dui op die invloed van Boeddhisme wat in die 6de eeu in Japan ingevoer is.[2]
![](http://upload.wikimedia.org/wikipedia/commons/thumb/1/1b/Montage_of_Shinto.png/200px-Montage_of_Shinto.png)
![](http://upload.wikimedia.org/wikipedia/commons/thumb/f/fe/Itsukushima_torii_angle.jpg/250px-Itsukushima_torii_angle.jpg)
![](http://upload.wikimedia.org/wikipedia/commons/thumb/1/16/KyotoFushimiInariLarge.jpg/250px-KyotoFushimiInariLarge.jpg)
Ná die Tweede Wêreldoorlog het Sjinto opgehou om Japan se staatsgodsdiens te wees. Dit word egter steeds as dié inheemse geloof van Japan beskou. Sommige Sjinto gebruike en leerstellings wat voor die oorlog baie gewig gedra het word nie meer geleer of gebruik nie, terwyl ander steeds as algemene aktiwiteite bestaan soos omikuji ('n vorm van waarsêery) en die Japannese Nuwe Jaar wat min mense met godsdiens assosieer. Belangrike nasionale seremonies soos kronings en koninklike huwelike word in die Three Palace Sanctuaries in Tokio gehou.
Verwysings
wysig- ↑ Sokyo, Ono (1962). Shinto: The Kami Way (1ste uitgawe uitg.). Rutland, VT: Charles E Tuttle Co. p. 2. ISBN 0-8048-1960-2. OCLC 40672426.
- ↑ MacKenzie, Donald A (2005). Myths of China and Japan. Whitefish, MT: Kessinger. p. 387. ISBN 978-1417964291. OCLC 171291294.
Eksterne skakels
wysig- Wikimedia Commons het meer media in die kategorie Sjintoïsme.