Radio Sonder Grense
Radio Sonder Grense (algemeen tot RSG afgekort) is 'n Afrikaanse radiostasie wat onder die Suid-Afrikaanse Uitsaaikorporasie (SAUK) oor die hele Suid-Afrika uitsaai. RSG saai meestal oor FM uit en maak van Sentech se uitsaaipunte gebruik. Dit is moontlik om dit via satelliet te hoor of daarna te luister via internet stroom.[1] Die radiostasie betrek mense wat Afrikaans as moedertaal praat, sowel as mense wat dit as tweede taal praat, van verskeie groepe en kulture. Die diens bied nuus, aktuele gebeure, sport, lewenstyl, opvoeding en musiek programme.[2] RSG se aktiwiteite is nie net tot radio beperk nie en daar is vele CD’s vrygestel, toere gereël en aanbiedings by kunstefeeste gedoen.
Radio Sonder Grense | |
---|---|
Gestig | 1937 |
Formaat | Internet, FM |
Eienaar | Suid-Afrikaanse Uitsaaikorporasie |
Frekwensie | 100–104 FM |
Slagspreuk | Dis Die Een |
Taal | Afrikaans |
Uitsaaiarea | Suid-Afrika landswye uitsaai (via herhalers) |
Webtuiste | www.rsg.co.za |
Aanlyn Uitsending | Radio Sonder Grense: Luister Aanlyn |
RSG is in 1937 deur die SAUK van stapel gestuur, een jaar na die ontstaan van die Korporasie en sy Engelse diens in 1936. Dit was bekend as die "Afrikaanse Diens van die SAUK" totdat die Korporasie sy hele radio-portefeulje in 1986 herstruktureer het. Dit het toe as "Radio Suid-Afrika" bekend geword. Die naam "Radio Sonder Grense" is aangeneem na die 1996 SABC Radio herstrukturering. Volgens die konstitusie moet die openbare uitsaaier minstens een Afrikaanstalige radiodiens en een Afrikaanse televisiediens lewer, aangesien Afrikaans een van die elf amptelike tale van Suid-Afrika is.
Verwysings
wysig- ↑ http://web.sabc.co.za/digital/player/1.0/rsg/index.html
- ↑ "South African radio online". www.southafrica.info. Besoek op 24 Julie 2007.