Lucy
| |
| Algemene naam | Lucy |
|---|---|
| Katalogusnommer | AL 288-1 |
| Spesie | Australopithecus afarensis |
| Ouderdom | 3,2 miljoen jaar[1] |
| Plek ontdek | Afar-driehoek, Ethiopië |
| Datum ontdek | 24 November 1974 |
| Ontdek deur | Donald Johanson Maurice Taieb Yves Coppens Tom Gray[2] |
Lucy is die gewilde naam van AL 288-1, ’n paar honderd stukke been wat omtrent 40% van die geraamte van ’n vroulike Australopithecus afarensis uitmaak. Dit is in 1974 in die Afar-driehoek in Ethiopië ontdek. In paleoantropologie word gewoonlik net fossielfragmente ontdek, en selde skedels of ribbes; dus was dit ’n groot ontdekking wat ’n enorme hoeveelheid wetenskaplike inligting verskaf het. Lucy is na raming sowat 3,2 miljoen jaar oud[1] en word geklassifiseer as ’n hominied.[3]
Die geraamte toon Lucy het ’n klein breinkapasiteit gehad, soos ape, en regop geloop, soos mense, en dit steun die teorie van sommige geleerdes dat die mens se voorouers al regop geloop het voor hul breingrootte begin toeneem het.[4]
Kritiek
wysigDie historikus Londa Schiebinger bevraagteken die feit dat die ontdekkers besluit het Lucy is vroulik na aanleiding van die grootte van die geraamte.[5] Hulle het ook gemeen "die bekkenopening in hominiede moet proporsioneel groter in wyfies as in mannetjies wees vir die geboorte van kinders met groter breine." Die ontdekking dat breine eers later groter geword het, weerspreek dié feit.
Daar is ook besware teen die klassifikasie van Lucy as ’n menslike voorouer. Sy het gekrulde vingers en tone gehad, wat geskik is vir boom klim, sy was korter as 1,2 meter (so groot soos moderne aapspesies) en die grootte van haar kop, kakebeen en tande stem meer ooreen met dié van ape as van uitgestorwe mensverwante spesies. ’n Ondersoek van die heupbeen deur Charles E. Oxnard het verder onthul Lucy kon waarskynlik net vir kort rukkies op twee bene loop, soos moderne aapspesies.[6] Sommige wetenskaplikes meen Lucy is eerder die een of ander uitgestorwe soort aap.
Sien ook
wysigVerwysings
wysig- ↑ 1,0 1,1 "Mother of man – 3.2 million years ago" (in Engels). BBC Home. Geargiveer vanaf die oorspronklike op 9 Oktober 2019. Besoek op 10 Oktober 2008.
- ↑ "Institute of Human Origins: Lucy's Story" (in Engels). Geargiveer vanaf die oorspronklike op 8 Desember 2014. Besoek op 15 Februarie 2014.
- ↑ Rak, Y.; Ginzburg, A.; Geffen, E. (2007). "Gorilla-like anatomy on Australopithecus afarensis mandibles suggests Au. Afarensis link to robust australopiths". National Academy of Sciences 104 (16): 6568. doi:10.1073/pnas.0606454104
- ↑ Stephen Tomkins (1998). The Origins of Humankind. Cambridge University Press. ISBN 0-521-46676-8.
- ↑ Schiebinger, Londa (2001). Has Feminism Changed Science?. Harvard University Press. pp. 126–127. ISBN 978-0-674-00544-0.
- ↑ Oxnard, C. (1987). Fossils, teeth and sex. Seattle: University of Washington Press.
Eksterne skakels
wysig- Clevelandse Natuur-Historiese Museum Geargiveer 5 November 2011 op Wayback Machine
- Institute of Human Origins
- "Becoming Human: Paleoanthropology, Evolution, and Human Origins", ’n dokumentêr deur Donald Johanson
- "New Link In Human Evolution Discovered", ’n rekonstruksie van Lucy se gesig, 8 Mei 2006
- "BBC – Science & Nature – The evolution of man". Mother of man – 3.2 million years ago. Besoek op 1 November 2007.
Wikimedia Commons het meer media in die kategorie Lucy.
