Louis Eksteen

Louis Cornelius Eksteen (20 Oktober 1930 – 13 Oktober 2001) was 'n Afrikaanse taalkundige en digter. Hy is in Windhoek gebore. Hy het aan die Universiteit van Pretoria en aan die Gemeentelijke Universiteit van Amsterdam gestudeer. Daarna was hy redaksioneel verbonde aan die Woordeboek van die Afrikaanse Taal.

Louis Eksteen
Gebore	Louis Cornelius Eksteen (1930-10-20)20 Oktober 1930 Windhoek, Suidwes-Afrika
Sterf	13 Oktober 2001 (op 70) Pretoria, Suid-Afrika
Nasionaliteit	Suid-Afrika
Beroep	Digter en taalkundige
Bekend vir	Die Afrikaanse Woord (1978) Die Gebruik van die Hoofletter in Afrikaans (1980) Eensillabige Rymwoordeboek van Afrikaans (1981) Afrikaanse Sinoniemwoordeboek met Antonieme (1981) Tweetalige Afkortingswoordeboek (1981)

Vanaf 1966 is hy dosent aan die Universiteit van Pretoria, waar hy in 1974 as professor in Afrikaanse taalkunde aangestel is.

Van sy taalkundige publikasies is onder andere:

• Die Afrikaanse Woord (1978)
• Die Gebruik van die Hoofletter in Afrikaans (1980)
• Eensillabige Rymwoordeboek van Afrikaans (1981)
• Afrikaanse Sinoniemwoordeboek met Antonieme (1981) en
• Tweetalige Afkortingswoordeboek (saam met J.G. du P. Pretorius, 1981).

In 1963 verskyn sy eerste digbundel, 'n Fluit in die Riet, gevolg deur Verse van 'n Landloper (1969) en Skuilhoek (1982).

Hy is op 13 Oktober 2001 in Pretoria oorlede.