J. P. Donleavy
J. P. Donleavy
Iers-Amerikaanse skrywer en dramaturg
Literêre stroming
Postmodernisme
Beduidende werke
The Ginger Man (1955)
J. P. (James Patrick) Donleavy (* 23 April 1926 in Brooklyn, New York Stad, Verenigde State; † 11 September 2017 in Mullingar, graafskap Westmeath, Republiek Ierland[1]) was 'n Iers-Amerikaanse roman- en toneelskrywer. Hy het veral bekendheid verwerf met sy eerste - en volgens vele kritici beste - roman The Ginger Man (gepubliseer in 1955) wat in 1947 in boheemse studentekringe van na-oorlogse Dublin afspeel en in die Republiek Ierland en die Verenigde State aanvanklik weens obseniteit verban is. Die werk, waarvan meer as 45 miljoen eksemplare verkoop is, word gelys in die uitgewery Modern Library se 100 beste romans van die 20ste eeu.[2]
In 1992 het Donleavy 'n persoonlike dokumentêr oor sy terugkeer na Ierland, die land van sy voorvaders (sy ouers het hulle as Ierse immigrante in die VSA gevestig), vir die Amerikaanse The Discovery Channel vervaardig. Donleavy het sedert die 1970's op die landgoed Levington Park in die Ierse graafskap Westmeath gewoon.
Verwysings
wysigEksterne skakels
wysigKompendium
- The J. P. Donleavy Compendium Geargiveer 12 September 2017 op Wayback Machine
Onderhoude