Hussiete
Hussiete (soms ook Bethlehemiete genoem) is 'n sambreelterm vir verskillende 15de eeuse bewegings in Boheme wat as respektiewelik reformatories en rewolusionêr geklassifiseer kan word.
![](http://upload.wikimedia.org/wikipedia/commons/thumb/b/b6/Jan_Hus.jpg/220px-Jan_Hus.jpg)
Jan Hus
wysigDie term Hussiete verwys na die Tsjeggiese teoloog en hervormer Jan Hus (omstreeks 1370-1415) wat felle kritiek op die Rooms-Katolieke Kerk van sy tyd gelewer het. So het hy beswaar aangeteken teen die kerk se rykdomme, die aflaathandel (waardeur gelowiges die vergewing van hul sondes teen betaling van 'n bepaalde bedrag kon koop) en die sedeloosheid van geestelikes. Die Bybel was vir Hus die enigste gesag in sake van geloof, en hy het konsekwent geweier om die onfeilbaarheid van die pous in sy amp te erken. Hierin het hy die voorbeeld van John Wyclif en die Waldense gevolg. Hus sou later ook invloed op die hervormer en grondlegger van die Evangelies-Lutherse Kerk, Martin Luther, by sy Duitse Bybelvertaling uitoefen.