Eonoteem

’n Eonoteem is die chronostratigrafiese weergawe van ’n geochronologiese eon. Eonoteme word weer onderverdeel in erateme. Dus is ’n eonoteem die totale gesteentes wat afgeset is tydens ’n spesifieke eon, terwyl laasgenoemde die tydperk is waarin die gesteentes gevorm is.

Rotsformasies wat ontbloot is in die Hoefyster-canyon in Alberta, Kanada.

Die meeste eonoteme en eons het dieselfde naam. Met Proterosoïkum kan byvoorbeeld die eonoteem of eon bedoel word.

Daar was altesaam vier eonoteme/eons. Hulle is van oud tot jonk:

• die Hadeïkum
• die Argeïkum
• die Proterosoïkum
• die Fanerosoïkum