Drakenstein-gevangenis
Die Drakenstein-gevangenis, vroeër die Victor Verster-gevangenis, is 'n tronk tussen Paarl en Franschhoek, op die R301-pad 5 km vanaf die R45 Huguenot-pad, in die vallei van die Dwarsrivier in die Wes-Kaap, Suid-Afrika. Dit word deur die Suid-Afrikaanse Departement van Korrektiewe Dienste bestuur. Die tronk is veral bekend omdat Nelson Mandela die laaste deel van sy gevangenskap hier deurgebring het.
Drakenstein-gevangenis | ||
![]() | ||
Die ingang na die Drakenstein-gevangenis. | ||
Ligging | ||
Stad/dorp | Tussen die Paarl en Franschhoek | |
Staat/provinsie | Wes-Kaap | |
Land | Suid-Afrika | |
Geskiedenis | ||
Voormalige naam | Victor Verster-gevangenis | |
Inligting | ||
Sekuriteitsklas | Minimum sekuriteit | |
Bestuur deur | SA Departement van Korrektiewe Dienste |
![](http://upload.wikimedia.org/wikipedia/commons/thumb/b/bc/Drakenstein_Correctional_Centre.jpg/265px-Drakenstein_Correctional_Centre.jpg)
In 1982 word Mandela vanaf die maksimum-sekuriteitsgevangenis op Robbeneiland, 'n eilandjie in Tafelbaai, na Pollsmoor-gevangenis in Tokai, Kaapstad verskuif. Hy word op 9 Desember 1988 na Victor Verster oorgeplaas, waar hy in 'n privaathuis in die kompleks gewoon het. Victor Verster is 'n plaasgevangenis wat dikwels as oorbrugging gebruik is voordat lae risiko-gevangenes vrygelaat is. Mandela dien 14 maande hier uit tot sy vrylating op 11 Februarie 1990. Die dag van sy vrylating het verslaggewers van oor die wêreld heen die gevangenis omring, wat die tronk wêreldwyd bekend gemaak het.[1]
Die huis waar Mandela woonagtig was is as 'n nasionale erfenis verklaar en 'n standbeeld van Mandela is voor die gevangenis opgerig.[2]
Sien ook
wysigVerwysings
wysig- ↑ Mandela, Nelson (1994). Long Walk to Freedom: Die outobiografie van Nelson Mandela. Randburg: Macdonald Purnell. ISBN 0316874965.
- ↑ "9/2/069/0166 - Victor Verster prison "Madiba House", farm Watervleit" (in Engels). Suid-Afrikaanse Erfenishulpbronagentskap. Geargiveer vanaf die oorspronklike op 16 Desember 2013. Besoek op 16 September 2013.
Eksterne skakels
wysig- Wikimedia Commons het meer media in die kategorie Drakenstein-gevangenis.