Data
Data verwys na gegewens, wat byvoorbeeld mates, waarnemings en veranderlikes insluit. Data-elemente kan bestaan uit getalle, woorde of beelde.
![](http://upload.wikimedia.org/wikipedia/commons/thumb/d/d2/Sonar_tracking_of_tungsten_ball_underneath_research_vessel_for_calibration_%2816824332958%29.jpg/220px-Sonar_tracking_of_tungsten_ball_underneath_research_vessel_for_calibration_%2816824332958%29.jpg)
Data in inligtingstegnologie
wysigIn inligtingstegnologie word data gewoonlik as getalle gestoor en hanteer, maar allerhande tipes data word daarmee voorgestel. Data word soms geklassifiseer volgens die manier waarop dit verwerk word in 'n stelsel, volgens die toevoer/afvoer-model, waar sekere data as toevoer (insette) tot 'n stelsel gesien word, en die resultaat van die verwerking in die stelsel as afvoer geklassifiseer word. Daar word soms na onverwerkte of ongestruktureerde data verwys as rou data. Verwerkte of geïnterpreteerde data word inligting genoem.
Data word gereeld in 'n vaste formaat gestoor, sodat dit volgens 'n vaste standaard geïnterpreteer kan word. Data kan byvoorbeeld voorgestel word as 'n stel rekords en velde. 'n Rekord bestaan uit 'n aantal velde. 'n Veld definieer 'n spesifieke data-element in 'n spesifieke formaat. Sulke data word gewoonlik in 'n databasis gestoor.
Sien ook
wysigEksterne skakels
wysig- Wikimedia Commons het meer media in die kategorie Data.