Constantia
Constantia is 'n welgestelde voorstad en een van die oudstes van Kaapstad, Suid-Afrika, in die hart van die Constantiavallei.[2]
Constantia | |
|---|---|
Voorstad | |
 | |
  Constantia | |
| Koördinate: 34°01′53″S 18°25′06″O / 34.03139°S 18.41833°O | |
| Land |  Suid-Afrika |
| Provinsie | Wes-Kaap |
| Metropolitaanse Munisipaliteit | Kaapstad |
| Oppervlak | |
| • Totaal | 23,90 km2 (9,23 vk. myl) |
| Hoogte | 91 m (299 ft) |
| Bevolking | |
| • Totaal | 12 564[1] |
| • Digtheid | 530/km2 (1 400/vk. myl) |
| Tydsone | UTC+2 (SAST) |
| Poskode | 7806 |
| Skakelkodes | 021 |
Constantia is die bakermat van die Suid-Afrikaanse land- en wynbou. Simon van der Stel, die eerste goewerneur van die Nederlandse kolonie aan die Kaap, besluit om hier op sy historiese plaas Groot Constantia, 'n landgoed van sowat 750 hektaar, die eerste 100 000 wingerdstokke in Suid-Afrika te plant. Die wingerde van die Constantiavallei lewer later die druiwe vir die wêreldbekende Constantiawyn op, wat baie gewild raak by die Europese adel van die 18de en 19de eeu en onder meer ook die gunstelingwyn van Napoléon Bonaparte tydens sy ballingskap op die Suid-Atlantiese eiland St. Helena is.
Die Constantiavallei lewer nog steeds wyne van wêreldgehalte op, terwyl Constantia nou 'n gesogte woonbuurt vir welgestelde Kapenaars geword het. Die voorstad bekoor met die natuurskoon van die omgewing en die luukse Constantia winkelsentrum. Die botaniese tuin van Kirstenbosch lê digby Constantia.
Groot Constantia, een van die mooiste voorbeelde van die Kaaps-Hollandse boustyl, is die belangrikste argitektoniese besienswaardigheid in die gebied. Die gebou dateer uit die jaar 1685 en huisves vandag 'n museum met 'n versameling van antieke meubels, glasware en porselein. Die gewel bo-oor die ingang tot die wynkelder is deur Anton Anreith geskep.
Wapen
wysigConstantiavallei het van 1989 tot 1996 sy eie plaaslike owerheid gehad. Die raad het in 1992 'n wapen by die Buro vir Heraldiek geregistreer : In silwer, 'n swart adelaar met uitgespreide vleuels, op die bors belaai met 'n goue sandloper dwarsbalksgewys; 'n rooi gewelvormig geknobbelde skildhoof. Die helmteken was 'n halwe silwer hert met goue gewei en hoewe en swart vleuels uitkomend uit 'n rooi muurkroon. Die wapenspreuk was "Terra hereditas nostra".[3]
Sien ook
wysigVerwysings
wysig- ↑ Som van die hoofplekke Constantia Heights, Alphen, Bel Ombre, Witteboomen, Glen Alpine, Eagles Nest, Constantia, Silverhurst, Rust-En-Vrede, Barbarossa, Deurdrif, The Vines (Constantia), Belle Constantia, Graylands, Constantia Village, Constantia Vale, Sillery, Huis-In-Bos, Hope of Constantia, Nova Constantia, Airlie, Fir Grove en Sweet Valley tydens Sensus 2011.
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ National Archives of South Africa : Data of the Bureau of Heraldry