鵝蛋
閱讀設定
維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
![](http://upload.wikimedia.org/wikipedia/commons/thumb/2/28/A_basket_of_Goose_Eggs.jpg/220px-A_basket_of_Goose_Eggs.jpg)
鵝蛋(英文:Goose Egg),係鵝生出嚟嘅蛋,呈橢圓形,體積同重量係雞蛋嘅四至五倍,表面比較光滑,呈白色,鵝蛋嘅蛋白質含量比雞蛋低;脂肪含量比其他蛋類高,鵝蛋中亦含有多種維他命同礦物質,不過質地較粗糙,草腥味較重,味道唔及雞蛋同鴨蛋[1]。
食法
[編輯]鵝蛋嘅食法同雞蛋一樣,可以做烚蛋、煎蛋,又或者煎蠔餅,食起嚟分外香口[2]。
功效同作用
[編輯]- 鵝蛋去胎毒
- 促進胎兒大腦發育
- 健身禦寒
- 增強記憶力
藥用價值
[編輯]鵝蛋性味甘微溫,有補中益氣嘅作用,含有蛋白質、脂肪、卵磷脂、維他命、鈣、鐵、鎂等成分,有一定營養價值。但根據《食療本草》記載:鵝蛋「多食發痼疾」,所以比較少作為食療用。
因為鵝蛋有一種叫卵磷脂嘅物質,能夠幫助消化,亦富含有豐富嘅蛋白質,比雞蛋同鴨蛋高好多倍。此外,鵝蛋有一種鹼性物質,會損傷內臟。
治燙火傷,皮肉潰爛疼痛:鵝蛋清加入少少白酒搽,亦可以加少少冰,以加強止痛作用。
熱毒瘡瘍:以鵝蛋清搽喺瘡瘍上面。
副作用
[編輯]- 食鵝蛋要適量,一次唔可以食太多,唔喺嘅話會引致腸胃不適。
- 鵝蛋唔可以同雞蛋一齊食,因為會傷元氣。
- 鵝蛋含有一種鹼性物質,會損傷內臟,所以每日唔好食超過三隻,以免令到內臟損傷。
- 發燒、動脈硬化、氣滯嘅人唔適宜食鵝蛋。
營養價值
[編輯]- 鵝蛋含有豐富嘅營養成分,例如:蛋白質、脂肪、礦物質、維他命等。
- 鵝蛋含有多種蛋白質,最多同最主要嘅喺蛋白中嘅卵白蛋白同蛋黃中嘅卵黃磷蛋白,蛋白質中含有人體所必須嘅各種氨基酸,係完全蛋白質,人體容易吸收同消化。
- 鵝蛋中嘅脂肪絕大部分集中喺蛋黃度,含有較多嘅磷脂,其中一半係卵磷脂,呢啲成分對人嘅腦同神經組織嘅發育有重大作用。
- 鵝蛋中嘅礦物質主要喺蛋黃之內,鐵、磷、鈣含量比較多,亦容易被人體吸收利用。
- 鵝蛋亦含有豐富維他命,蛋黃中有豐富嘅維他命A、D、E、核黃素同埋硫胺素、蛋白中嘅維他命以核黃素同尼克酸居多,呢啲維他命亦係人體所必須嘅維他命。
參考
[編輯]- ↑ 〈鵝蛋的功效與作用〉. 原著喺2021年4月10號歸檔. 喺2021年4月10號搵到.
- ↑ 街市學堂:鵝蛋係雞蛋以外嘅香滑好選擇