阿Q正傳
《阿Q正傳》係魯迅創作嘅一部小說。魯迅寫《阿Q正傳》，其實係想指出當時嘅中國人普遍存在嘅一種毛病，就係就算喺事實上蝕底，仲用「精神勝利」嚟自我安慰，而唔肯積極反抗或避免再次受辱。
《阿Q正傳》嘅主角係阿Q，一個喺社會嘅小人物。佢好窮，地位低，但自尊心好强；佢嘅遭遇唔好，成日被人蝦，但係佢有自己嘅一套精神優勝法，好似佢畀村入面嘅趙太爺兜巴星，佢會喺心入面諗「呢個世界真係唔似樣，阿仔打老竇」。一諗到尊貴嘅趙太爺係自己個仔，阿Q就開心起嚟。呢個就係「阿Q精神」嘞。
阿Q精神
[編輯]
阿Q精神，就係指一種唔肯面對現實，一味精神上自我安慰嘅處事態度，即係狐狸食唔到葡萄就話葡萄係酸嘅咁，實際上就係自欺欺人。
而家「阿Q」多數用嚟形容唔肯面對現實，自欺欺人，善於自我安慰嘅人。