鐵托
閱讀設定
![](http://upload.wikimedia.org/wikipedia/commons/thumb/1/13/Josip_Broz_Tito_uniform_portrait.jpg/220px-Josip_Broz_Tito_uniform_portrait.jpg)
鐵托(Josip Broz Tito,1892年5月7號—1980年5月4號),係南斯拉夫既政客,用威權手段統治咗南斯拉夫36年。
佢既統治手法俾人叫做「鐵托主義」,史太林統治蘇聯既年代,蘇聯將「鐵托主義」定性做「修正主義」。「鐵托主義」既特點係:
- 工人自治:工人通過民主方式管理工廠既生產資料(土地、勞動、資本、企業精神),同西方既管理層控制生產資料,廠長負責決策,部門主管管理生產線既做法唔同。
- 身份認同:南斯拉夫係由六個社會主義共和國(馬其頓、塞爾維亞、波斯尼亞和赫塞哥維納、克羅地亞、斯洛文尼亞、黑山)組成,所以鐵托必需強調南斯拉夫人身份認同呢掌控國家。
- 唔依附蘇聯:因為蘇聯曾經喺鐵托最需要既時候拋棄咗鐵托既遊擊隊,而二戰期間付出沉重代價、靠自己對抗納粹德國佔領,二戰結束之後,史太林將光復南斯拉夫既勝利完全歸功於蘇軍,再加上南斯拉夫同蘇聯喺意識形態上既差異,所以鐵托唔想同蘇聯走得太近。
- 唔結盟運動:1956年7月,鐵托同印度總理、埃及既總統喺南斯拉夫開會,會後既共同宣言表明反對「將世界分成強有力既國家集團」,呢個會係唔結盟運動既開始。
![]() |