蕭亮

蕭亮（1941年—2024年 3月），原名盧永華，係香港無綫電視翡翠台演員、歌手、旁白、報幕員，上海出世，祖籍廣東花縣。佢退休之後成為加拿大公民。

簡歷

1941年喺上海出世，屋企排第四。1947年跟屋企人移居到香港。

畢業之後曾經任職老師，到1970年加入香港電台任職主持，展開電視台生涯。到1976年再加入無綫電視，專門響翡翠台做報幕工作。當年蕭亮把聲一開口「無綫電視翡翠台」，係當年無綫一大特色。

1989年，跳槽到亞洲電視做報幕員；至1993年離開亞視，移民加拿大，並且加入當地電台做主持。

2000年蕭亮因為同太太離婚，回流返香港返到無綫，其中就響電視劇《男親女愛》演出再次爆紅。但響呢段無綫期間蕭亮不時發生古怪爭議，其中響拍《皆大歡喜》期間同合作對手苑瓊丹不和甚至反枱；到拍2005年拍攝《阿旺新傳》，又因為走位問題，當場畀導演鬧爆趕離場。之後再無為無綫做節目，返番去加拿大。

返加拿大後蕭亮又響當地電台做節目，到2018年正式退休，響YouTube開設「蕭亮百藝網」。

2024年被網友richardk2550喺佢嘅「蕭亮百藝網」嗰度話佢3月頭喺多倫多屋企過身^[1]^[2]，但香港傳媒一直都證實唔到。

呢篇同香港藝人相關係楔位文。歡迎幫維基百科擴寫佢。