細靜脈

細靜脈係微循環入面一種比較細嘅血管，比毛細血管大一啲。細靜脈將毛細血管入面冇乜氧氣嘅血集埋一齊，輸送到靜脈入邊。然後由靜脈運返去心臟。細靜脈嘅直徑細到8微米，大到100微米，響毛細血管會合嗰陣就形成細靜脈。

結構

細靜脈壁有三層：內皮層係由鱗片狀嘅內皮細胞組成，有生物膜嘅作用，中間層係肌肉同彈性組織，而外層就係纖維連結組織。中間層發展得唔係幾成熟，所以細靜脈嘅壁厚唔夠細動脈厚。因為細靜脈壁穿透性好，所以液體同埋血細胞都可以穿過細靜脈壁。