瑤子
| 瑤子女王 | |
|---|---|
| 三笠宮 | |
 出席日本第51屆全國道場劍道大會 | |
| 私人明細 | |
| 皇族 | 日本皇室 |
| 父 | 寬仁親王 |
| 母 | 寬仁親王妃信子 |
| 出世 | 1983年10月25號 日本東京都涉谷區 |
| 宗教 | 神道教 |
| 出世名 | 神道教 |
三笠宮瑤子女王（日文：ようこじょおうYōko Jōō，1983年10月25號—）係寬仁親王同信子妃二女，家姐係彬子女王。徽印係星。
經歷
[編輯]瑤子1983年10月25號響東京都涉谷區日本紅十字會醫療中心出世，作為大正天皇直系第3代後人而畀封做「女王」。
佢先後讀咗松濤幼稚園、學習院初等科、學習院女子中等科同埋學習院女子高等科，2006年響學習院女子大學國際文化交流部日本文化學科學士畢業。
2003年10月25號舉行成年禮，照例得到天皇明仁授予二等寶冠勳章（寶冠牡丹章）。
2005年參加關東學生劍術聯盟友好使節團，到法國、德國交流，仲出席埋2005年世界博覽會。響2006年至2012年期間，佢參加各種志願者活動，特別係紅十字會。
當家姐彬子女王留學期間，公務都交畀瑤子女王打理。響2013年佢老豆寬仁死咗一年之後，佢同阿媽信子、家姐彬子女王回歸三笠宮[1]。
佢由細細個開始已經學劍道，依家係劍道五段[2]。佢亦多次出席劍道比賽。依家佢亦係IAUD總裁（IAUD係佢老豆寬仁親王成立）、友愛十字會總裁、東京車展總裁、NPO法人日本Universal Sound Design協會榮譽總裁。
2019年12月11號，佢接待出席德仁天皇即位禮正殿之儀嘅昂山素姬。之後佢訪問緬甸[3]。
2022年2月7號，佢話喉嚨痛，第二日響赤坂御用地接受PCR檢查，結果對肺炎呈陽性反應，當晚就畀送到宮內廳醫院。佢係日本皇室第一位受到感染嘅成員[4]。9號佢畀人轉到東京大學醫學部附屬醫院繼續接受治療。16號病情已經有所改善，所以就出院[5]。
攷
[編輯]- ↑ 〈朝日新聞デジタル：寛仁親王家廃し三笠宮家に合流 逝去1年、當主決まらず - 社會〉。原著喺2014年2月27號歸檔。
- ↑ 〈「剣道時代」2008年4月号インタビュー記事〉。原著喺2010-11-02歸檔。
- ↑ 〈饗宴の儀での会話がきっかけに 瑶子さま、ミャンマーへ：朝日新聞デジタル〉。《朝日新聞デジタル》 (日文)。喺2022-02-27搵到。
- ↑ 日本放送協会。〈三笠宮瑤子さま 新型コロナに感染確認 皇室で感染確認は初〉。《NHKニュース》。喺2022-02-27搵到。
- ↑ 〈コロナで入院の瑶子さまが退院…８日に感染確認、症状は改善 : 皇室 : ニュース〉。《読売新聞オンライン》 (日文)。2022-02-16。喺2022-02-27搵到。