無性向
閱讀設定
性取向 |
---|
![]() |
分類 |
異性戀 · 同性戀(基 · 叻士) 男性向 · 女性向 · 雙性向 · 無性向 |
相關概念 |
雙性人 · 第三性 · 性別氣質 |
相關研究 |
生物學 · 性學 · 非異性戀 · 酷兒研究 · 金賽量表 · 動物界的同性性行為 |
法律 |
婚姻 · 民事結合 · 領養 · 㚻姦法 · 兵役 · 仇恨罪行 · 性小眾權利 |
無性向又叫做無性戀(asexuality,又叫做nonsexuality),係指一啲唔擁有性慾望上性取向嘅人,即唔會對男性或女性任一性別表現出性慾,但可能會有情感上嘅浪漫關係。2004年發表嘅研究結果提到無性向者佔人口嘅1%。
無性向者同禁慾者同埋獨身主義者唔同,一般無宗教信仰嘅因素。佢哋唔會對男性同女性嘅任何一方產生性趣,但會因自己嘅性別或日常經歷而對某一性別多出一啲好感。一啲無性向者由於各種各樣嘅原因,如渴望擁有孲𤘅或伴侶嘅需求而同人哋發生性關係,雖然佢哋根本無性慾望。同一般人唔同嘅係,佢哋係進行性行為時並唔會特別感到尷尬或痛苦。
直到最近,無性向開始被更多科學家承認係一種性取向並進行研究,開始有一系列嘅從社會學同心理學角度嘅研究對無性向進行解釋。但仍然有人反對將無性向作為一種性取向。隨住網絡嘅普及,各種無性向社區開始喺互聯網同社交媒體上形成。其中最知名嘅係Asexual Visibility and Education Network(AVEN),喺2001年成立。
2012年8月,加拿大布魯克大學嘅學者發現,無性向者係世界人口中可佔到1%嘅比例,總數大概有7000萬。