插水

  提示：呢篇文講嘅唔係插水炮。

插水係個通常用喺足球方面嘅用語，指喺球場上扮嘢，務求呃球證做出有利自己嘅錯誤裁決。球場上最常見嘅「插水」方法，係某球員假扮被對手「侵犯」到跌低，然後詐諦受咗傷而好痛噉捵地，博取球證判罰對方，或者畀己隊踢個罰球。「插水」失敗（即係被球證識穿）嘅後果通常係自己領黃牌。

插水並唔等同「假動作」——後者係啲非犯規技巧，用嚟呃對手，而唔係球證／裁判。

原意

插水原意係指跳水運動入面垂直插入水度嘅動作，而插水嘅英文「diving」亦有跳水嘅意思。

引伸

喺種種運動競技之中，所用到嘅類似招數，亦叫「插水」，引伸到任何假扮跌低嘅行為。

「插水」一詞亦用於其他場合，例如求財騙徒嘅勒索手段，同埋理念衝突者陷害政敵嘅詭計。

「插水」亦可以指由高位大幅跌落低位嘅意思。

另見

• 碰瓷‏‎