將死（粵拼：zoeng1 sei2；英文：checkmate）係國際象棋同類似遊戲（例如中國象棋）上會有嘅一種狀態，指國王（或者任何「俾人食咗就即輸」嘅棋）俾對手逼入一個「跟住落嚟行邊步都會輸」嘅狀態。
响現實比賽，大部分棋手喺知道局面挽回唔到嘅時候，都唔會等自己被將死，會主動認輸（resign）。呢種認輸嘅行為唔會被認為係無禮貌，相反，係一種有體育精神嘅行為。
將殺嘅記號喺代數記譜法被記為井字 (#) ，例如 34.Qh8#，或者「++」 。（「++」符號有陣時會被用來講雙將。）
