安息年
安息年（希伯來文：שמיטה，羅馬拼音：shmita），係七年耕作周期嘅第七年，安息年期間，土地必須休養，所有土地都要停止耕種，現代嘅猶太教仍然遵守呢個規定。
根據《利未記》記載，上帝嘅子民經過六年嘅播種、剪枝、收割，就要俾土地歇息。嗰啲喺田上自然生長嘅產物係畀窮人收取嘅，餘低嗰啲就留畀野獸。上帝為咗避免佢嘅子民驚住之後唔夠物資，保證第六年所出產嘅可以足夠使用三年，而第七年就稱為「安息年」（Sabbatical Year）。凡違反呢個這律例嘅子民，都要受到上帝嘅憤怒同懲罰。
安息年規定
[編輯]喺安息年期間，土地需要休養，所有農業活動，包括：耕種、栽種、修剪、收割，都一律禁止。其他農業技術，例如：淋水、施肥、除草、噴霧、割草等，只可以進行預防措施，而唔係用嚟提高果樹同農作物嘅產量。此外，所有自己生長嘅果實都會視為無主嘅（hefker），任何人都可以攞走。各種律法亦應用喺安息年農產品嘅出售、消費同處理。