四大菩薩
四大菩薩，喺佛教信仰中，指四位最大尊菩薩嘅組合，意義或者會因為唔同宗派同經典而有啲分別。
關於四大菩薩有好多唔同講法，喺中國最流行嘅講法係指觀音、文殊、普賢、地藏四位菩薩，中國有四大菩薩道場嘅講法，即係四大菩薩嘅聖地[1]，有時又會喺八大菩薩入面揀出四位大菩薩。
通說
[編輯]- 文殊菩薩 － 釋迦牟尼左邊嘅侍者，以「智慧」聞名而稱大智文殊菩薩。
- 普賢菩薩 － 釋迦牟尼右邊嘅侍者，以「行德」聞名而稱大行普賢菩薩。
- 觀音菩薩 － 阿彌陀佛左邊嘅侍者，以「慈悲」聞名而稱大悲觀音菩薩。
- 地藏菩薩 － 娑婆三聖右邊嘅侍者，以「願力」聞名而稱大願地藏菩薩。
參考
[編輯]- ↑ 〈四大菩薩, 全國宗教資訊網, 宗教知識 2018-09-09〉。原著喺2022-02-18歸檔。喺2018-09-09搵到。