半徑

圓形包括:

  周長 C

  直徑 D

  半徑 R

  圓心或原點 O

喺古典嘅幾何學中，半徑（粵音：bun3 ging3）係一個圓形由圓心到圓周最短嘅直綫距離，而如果講緊球體，半徑就係指由圓心連到表面任何一條綫嘅直綫距離。半徑亦即係直徑嘅一半，通常用羅馬字母 r（睇睇拉丁文：radius）表示。

$d\doteq 2r\quad \Rightarrow \quad r={\frac {d}{2}}.$

如果一個物體冇中心，呢個詞可能指佢嘅外接圓半徑，即係佢嘅外接圓或外接球嘅半徑。喺任何情況下，半徑可能大過直徑嘅一半，直徑通常定義為圖形任何兩點之間嘅最大距離。一個幾何圖形嘅內切圓半徑通常係最大內切圓或球體嘅半徑。環、管或其他空心物體嘅內半徑係佢空腔嘅半徑。

對於正多邊形嚟講，半徑同佢嘅外接圓半徑係一樣嘅。 正多邊形嘅內切圓半徑亦都叫做邊心距。喺圖論度，圖嘅半徑係指所有頂點 u 到任何其他頂點嘅最大距離嘅最小值。

圓周長（周長）為 C 嘅圓嘅半徑係：

$r={\frac {C}{2\pi }}$