序

序係文嘅附文，附喺內文之前，通常喺書見到。序帶人入內文，介紹內容、主旨、或者寫作經過，或者係評論等等。序有好多種叫法，好似序言、前言、敘、緒、弁言、引、序論、'緒論、引言等等。呢啲名之間有差別，分唔同性質同長短。

名

西方十七世紀，有拉丁文嘅prolegomenon，係prolegein嘅他動現在式。pro卽係前，legein係講，prolegein就係講之前。prolegomenon，序之中有評論，比較長篇。

英文又叫prologue，不過通常用於故仔、戲、歌曲、詩，又叫序章、序言、序篇等。introduction就更加廣泛，乜嘢都得。preface只用於書上，多數係作者自己寫，叫自序。而foreword都用喺書，不過就更短，通係係請人爲作，叫他序。

中國最早嘅序，係漢時爲《詩經》作嘅《毛詩序》，重有佢爲各詩做小序。

序一般喺內文前，後面好少，司馬遷《太史公自序》，寫喺《史記》尾，所以叫啲叫後序，但多數叫跋或後記。