瑪姬史密芙

瑪姬史密芙
出生日	1934年12月28號
出生地	Ilford
本名	Margaret Natalie Smith
死亡日	2024年9月27號  （89歲）
死亡地	Chelsea and Westminster Hospital
國籍	英國
母語	英式英文
識嘅語言	英文
母校	Oxford High School
職業	電視演員、電影演員、character actor、舞台劇演員、演員
配偶	Robert Stephens、Alan Beverley Cross
仔女	Toby Stephens、Chris Larkin
[改維基數據]

瑪姬·史密芙女爵士，CH，DBE（Dame Maggie Smith，1934年12月28號—2024年9月27號），係個英國女演員，佢從影60幾年以嚟演出過超過60齣電影同埋70幾部戲劇，被睇成係英國最傑出嘅演員之一。史密芙嘅全名係瑪嘉烈·妮妲莉·「瑪姬」·史密芙（Dame Margaret Natalie "Maggie" Smith），佢喺1950年代中期開始自己嘅銀幕以至係舞台上面嘅職業生涯，佢嘅作品由舞台劇以至電視同埋電影，佢涉獵嘅領域極之廣；史密芙亦攞獎無數，佢曾經攞到電影、電視同戲劇方面嘅最高成就，入面包括曾經攞到１項東尼獎、２項奧斯卡金像獎，同埋艾美獎、金球獎同美國演員工會獎各３項，４項黃金時段艾美獎，同埋７項英國電影學院獎，佢亦係曾經攞到三次表演獎大滿貫殊榮為數唔多嘅其中一個演員。作為英國其中一位最出名同埋最多產嘅女演員，史密芙喺1990年憑住佢對藝術嘅貢獻而得到伊利沙伯二世所授予佢嘅女爵士勳章，亦都喺2014年憑住佢對戲劇嘅貢獻而獲授名譽勳章。

史密芙以學生嘅身份開始佢嘅舞台生涯，佢喺1952年喺牛津劇場演出，仲喺第一次亮相百老匯劇場上演嘅《New Faces of '56》嚟做佢嘅職業首演。史密芙喺跟住落去嘅幾十年裡面，佢同茱迪·丹芝一齊為皇家國家劇院同埋皇家莎士比亞劇團做嘢，佢哋作為英國其中一個最重要嘅戲劇表演者。喺百老匯嘅舞台上面，史密芙憑住諾爾·克華德嘅1975年作品《私生活》，同埋大衛·海爾嘅1979年戲劇作品《夜與日》而得到東尼獎嘅提名，佢仲憑住1990年嘅《萊蒂斯與獨活草》而攞到東尼獎最佳戲劇女演員獎。

史密芙嘅突破性電影角色係1969年嘅《錦綉年華》，佢亦憑住呢套戲而贏到奧斯卡金像獎最佳女主角。佢喺1978年嘅《加州套房》入面作為奧斯卡獎落敗者嘅喜劇角色，呢次令佢第二次攞到奧斯卡金像獎最佳女配角。史密芙嘅其他奧斯卡提名嘅角色包括：1965年嘅《奧賽羅》、1972年嘅《與姨同遊》、1985年嘅《翡冷翠之戀》，同埋2001年嘅《高斯福大宅謀殺案》。

史密芙喺2001-2011年裡面憑住喺《哈利波特系列電影》入面飾演「麥教授」呢個角色而出晒名，佢嘅其他出名嘅電影仲包括1978年嘅《尼羅河謀殺案》、1991年嘅《鐵鈎船長》、1992年嘅《修女也瘋狂》、1993年嘅《秘密花園》，仲有2012年嘅《黃金花大酒店》同埋《唱快人生》，另外仲有2015年嘅《貨車裡的女人》。史密芙演出嘅第一部作品去到而家已經有70年。

喺電視作品裡面，史密芙喺朱利安·費羅斯嘅2010-2015年大受好評嘅時代電視劇《唐頓莊園》仲有佢嘅同名電影版裡面做葛咸伯爵夫人—葛維拉·克勞利呢個角色仲憑住呢齣劇攞到金球獎嘅提名，仲連續兩次攞得艾美獎；另外，史密芙仲喺嗰齣連續劇嘅2019年電影同埋2022年電影而攞到重新關注同埋國際知名度，嗰個角色亦都為佢贏到３項黃金時段艾美獎。佢仲憑住2003年嘅HBO電影《我在翁布里亞的房子》而攞獎。另外，佢仲攞到幾個榮譽嘅獎，包括倫敦戲劇協會特別獎、英國電影學院獎終身成就獎同埋英國電影協會會士。

早年生活

原名係瑪嘉烈·妮妲莉·史密芙Margaret Natalie Smith嘅瑪姬·史密芙响1934年12月28號喺英國雅息士郡伊爾福德。史密芙嘅阿爸納撒尼爾·史密芙Nathaniel Smith（1896-1977）係喺泰威紐卡素嘅公共衛生病理學家，佢曾經喺牛津大學做過嘢；而史密芙嘅阿媽瑪嘉烈·赫頓Margaret Hutton（1896-1977），娘家姓利特爾Little嘅赫頓係嚟自蘇格蘭格拉斯哥嘅秘書。史密芙嘅阿爸阿媽喺佢細細個嗰陣就向佢講述咗佢哋兩個點樣喺由格拉斯哥經紐卡斯去倫敦嘅火車上相識嘅浪漫故事。史密芙４歲嗰陣跟屋企人搬到去牛津。史密芙有一對孖生阿哥，佢哋個名分別叫阿利斯泰爾Alistair同埋伊恩Ian，不過阿利斯泰爾喺1981年過咗身，而伊恩就喺建築學校讀書。史密芙喺牛津高中讀書直到１６歲，佢後來離開學校去到牛津劇場學演戲。