勾踐

勾踐（粵拼：ngau1 cin5；又寫句踐；—前464年；出土文物「越王勾踐劍」寫做鳩淺；司馬貞《史記索隱》入便嘅《紀年》叫菼執），係中國春秋時代後期嘅越國君主。老豆係越侯允常。唔知生年，前496年至前464年在位。

生平

大敗

内文：闔閭

勾踐即位後稱王，吳王闔閭乘機攻越。越國派敢死嘅人排成三列行到去吳軍陣前，高聲大嗌之後攞劍集體自殺，越軍趁吳國軍隊睇嗰陣猛攻，喺槜李大敗吳軍，闔閭嘅手指頭傷咗，冇幾耐因傷重而死。闔閭臨死遺囑佢個仔夫差：「必毋亡越！」夫差即位做吳王之後，勵精圖治準備攻越報仇。勾踐唔聽范蠡勸阻，倉促下搶先出兵攻吳，喺夫椒（今江蘇吳縣西南太湖中）大敗。吳軍佔領越都會稽，將勾踐困喺會稽山。范蠡建議勾踐用卑辭厚禮向吳求降，如果唔掂，就由勾踐親自去吳國做人質。勾踐採納咗呢個一建議，一面準備死戰，一面派文種向吳王求和，用財寶賄賂吳太宰伯嚭，又獻上美女西施。夫差喺伯嚭勸說下同越國議和，率軍翻吳。勾踐向越國臣民下詔罪己，然後去吳國做夫差嘅工人，食屎，最終擺到夫差嘅信任，三年後釋放翻越國。

臥薪嘗膽同滅吳稱霸

内文：臥薪嘗膽同吳國

勾踐翻去越國之後發誓復仇滅吳，臥薪嘗膽，休養生息，重用範蠡、文種等人，「十年生聚、十年教訓」。《史記·貨殖列傳》話：「計然之策七，越用其五而得意。」又話：「修之十年，國富，厚賂戰士。士赴矢石，如渴得飲。遂報強吳，觀兵中國，稱號五霸。」一年，越國向吳國進貢蒸熟嘅種子，令第二年吳國大飢，削弱咗吳國嘅國力。冇幾耐，勾踐趁夫差走咗，乘虛而入，最尾響勾踐二十四年（前473年）亡吳。稱霸中原。