Bâ-khang
Bâ-khang (Hàn. 猫空) tī Tâi-oân Tâi-pak-chhī Bûn-san-khu, í-chá sī Tâi-pak-chhī siōng-tōa ê sán-tê-khu chi-it, tê-khu lāi chin chē kó͘ -tō, tio̍h-sī tong-sî ūi-tio̍h ūn tê-bí khí--ê; bo̍k-chiân sī tê-gē kah iā-kéng ê sèng-tē.
Miâ
[siu-kái | kái goân-sí-bé]Bâ-khang chit-ê miâ ê iû-lâi, siōng-chia̍p thiaⁿ-tio̍h ê kóng-hoat sī hia ê hô chhiâng-tio̍h chio̍h-giâm lâi chiâⁿ-chò ô͘ -hia̍t (pothole) tē-hêng. Tī Tâi-gí lāi-té, kā bē-pêⁿ ê bīn hō-chò "niau-bīn" a̍h-sī "bâ-bīn".[1] Tī Ji̍t-pún sî-tāi ê Tâi-oân Pó-tô͘ téng-thâu kì-chài-chò "猫空", jî-chhiáⁿ phiau-kì ê hoat-im sī バ―カン.[2]
![](http://upload.wikimedia.org/wikipedia/commons/thumb/9/90/Taipei_Zoo_%2824301625776%29.jpg/220px-Taipei_Zoo_%2824301625776%29.jpg)
Ong Ka-im chham Chô Bêng-chong jīn-ûi, Bâ-khang kah ô͘ -hia̍t ū khan-liân ê chit-ê kóng-hoat ū sió-khóa-á bián-kióng. Nā chiàu Tâi-oân Pó-tô͘ só͘ kì-chài ê hoat-im kah chit-ê só͘-chāi ê khoân-kéng lâi khòaⁿ, Bâ-khang eng-kai sī-leh kóng kóe-chí-bâ (bâ) chhut-hiān ê soaⁿ-kheⁿ (khang)[3].
Te̍k-sek
[siu-kái | kái goân-sí-bé]![](http://upload.wikimedia.org/wikipedia/commons/thumb/9/91/Night_view_from_MaoKong.jpg/300px-Night_view_from_MaoKong.jpg)
Bâ-khang ê ūi-tì óa Tâi-pak kau-khu, tī Tâi-pak Phûn-tē ê kîⁿ, só͘-í thiⁿ-khì hó ê sî, tī soaⁿ-téng tō ē-tàng khòaⁿ-tio̍h kui-ê Tâi-pak-chhī.
Kau-thong
[siu-kái | kái goân-sí-bé]Bâ-khang chhut-ji̍p ê tō-lō͘ chiâⁿ e̍h, Tâi-pak chhī-chèng-hú koat-tēng tī chia khí lám-chhia, ùi 2007 nî 7--goe̍h chhe-4 chèng-sek thong-chhia. Ē-sái ùi Tōng-bu̍t-hn̂g Chām choán Tâi-pak chia̍t-ūn Bûn-ô͘ sòaⁿ, choân-têng phiò-kè 120 kho͘ . Bat in-ūi Jungmi Hong-thai chō-sêng tē-16 hō thah-thiāu tē-ki liû-sit kah chin giâm-tiōng, ùi 2008 nî 10--goe̍h chhe-1 thêng-chí chài-kheh, tī 2010 nî 3--goe̍h 26 hoe-ho̍k êng-ūn.
Siong-koan ê ia̍h-bīn
[siu-kái | kái goân-sí-bé]Chham-khó chu-liāu
[siu-kái | kái goân-sí-bé]- ↑ Kin-kù 廣韻, "貓" ū nn̄g khoán tho̍k-im: chi̍t khoán tha̍k 武瀌切 (tha̍k miâu [苗]), lēng-gōa chi̍t khoán tha̍k 莫交切 (tha̍k mâu [毛]). Tī Tâi-gí lāi-té, 武瀌切 ê im ián-piàn-chò bûn-im ê "niau", siá-chò "貓"; 莫交切 ê im ián-piàn-chò peh-ōe-im ê "bâ", siá-chò "猫".
- ↑ 臺灣百年歷史地圖. 中央研究院人文社會科學研究中心地理資訊科學研究專題中心.
- ↑ 翁佳音; 曹銘宗. 大灣大員福爾摩沙. ISBN 9789862622766.
Gōa-pō͘ liân-kiat
[siu-kái | kái goân-sí-bé]- 臺北市商業處-商圈介紹-貓空(商圈)Archived 2020-11-16 at the Wayback Machine.
- 貓空休閒農業區 ê Facebook choan-ia̍h