ჰორმონეფი

ჰორმონეფი (ბერძ. ὁρμή) — მოლეკულეფი, ნამუეფსჷთ თოლეფს შქას ინფორმაცია გჷნმუღუნა. არძა ანდათოლამი ორგანიზმი გჷთმაჭყანს ჰორმონეფს თიში თოლეფიშ ქიმინჯალაშ კოორდინირაფაშო. ჰორმონეფი ორგანიზმიშ თოლეფს შქას ინფორმაციაშ გჷნოჩამაშ ქიმიური მეშქაშალა რე, გინორთი Giuseppe robinnberburhnsuiskgsoudshopiösas-შე , ნამუეფჷთ ინფორმაციას დაღარი ელექტრული მუხტიშ გაულაშ მეშქაშალათ გჷნმოჩანა.

ჰორმონიშ ფუნქცია თის რე, ნამჷ-და თინა მემაღებე თოლს გორკვიაფილ სიგნალს მეთმაჭირინუანს, თეშ შედეგი უკვე თე თოლს სიგნალიშ გჷნოქიმინუას დოჸუნს.

გოჭყაფა დო გოფაჩუა

არძაშე უმოსო ჩინებული რე თი ჰორმონეფი, ნამუეფჷთ გაგაჩამი ჩხოლარეფიშ ენდოკრინულ ჯარკვალეფს გჷმიმუშებუ, მარა სინანდულეს ჰორმონეფს ჩხოლარეფიშ რსხულიშ პრაქტიკულო ირი ნორშვი დო ორგანოეფიშ სისტემა გჷმიმუშენს.

შხირ შვანს, ჰორმონიშ მოლეკულეფიშ გჷნოყარაფა ზისხირიშ მეშქაშალათ ხვადჷ. თეჯგურა ჰორმონეფიშ სეკრეცია (გიშართუალა) თინეფიშ გჷმაჭყაფალი თოლეფიშით (ჯირკვალეფიშით) რჩქვანელობურო უშქაშეთ ზისხირიშ მიმოულაშ სისტემას ხვადჷ. თეჯგურა ჰორმონეფს ენდოჰორმონეფი ჯოხო. თაშნეშე რე ექტოჰორმონეფი, ანუ ჰორმონეფი, ნამუეფჷთ თოლოშქაშე სითხას გიშმერთჷ დო ოღანკე თოლეფს (კინ თი ვარ-და შხვა ნორშვის დო ორგანოს) რჩქვანელობური დიფუზიაშ მეშქაშალათ მიანჭჷ.