ფედერალისტეფიშ პარტია
ფედერალისტური პარტია (ინგლ. Federalist Party) — ააშ-იშ პოლიტიკური პარტია. დირსხუ 1792 წანას, 1820-იან წანეფს მიოტუ რინა. ფედერალისტეფი ფედერალურ თარობას 1801 წანაშა აკონტროლენდეს. პარტია დარსხუ ააშ-იშ ხაზნაშ მელამოსექ ალექსანდერ ჰამილტონქ ჯორჯ ვაშინგტონიშ მაართა ვადაშ ბორჯის. პარტიაშ გინმარინეეფი ჯინჯიერო ნოღარი ბანკირეფი დო ბიზნესმენეფი რდეს, ნამუეფით ჰამილტონიშ ფისკალურ პოლიტიკას ოხუჯუდეს. ფედერალისტეფიშ ფისკალურ პოლიტიკას დო ნძალიერი ნაციონალისტური თარობაშ იდეას დემოკრატიულ-რესპუბლიკური პარტია აწმარინჯანდ. ააშ-იშ აკა ფედერალისტი პრეზიდენტი ჯონ ადამსი რდჷ. უმკუჯინუო თიშ, ნამდა ვაშინგტონი სიმპათიათ უჯინედ ფედერალისტეფიშ პროგრამას, თინაქ ედომუშამი პრეზიდენტობაშ გოძვენას უპარტიოთ დოსქიდ.