უილიამ რენკინი

უილიამ რენკინი
	უილიამ რენკინი
	ინგლ. William Rankine
დაბადებაშ თარიღი:	5 კვირკვე, 1820
დაბადებაშ აბანი:	ედინბურგი, შოტლანდია
ღურაშ თარიღი:	ქირსეთუთა 24, 1872 (52 წანერი)
ღურაშ აბანი:	გლაზგო, შოტლანდია
მენოღალობა:	გოართოიანაფილი ომაფე
ომენცარე სფერო:	ფიზიკა, ინჟინერია
სამუშაშ აბანი :	გლაზგოშ უნივერსიტეტი
ალმა-მატერი:	ედინბურგიშ უნივერსიტეტი
ჯილდოეფი დო პრემიეფი:	ედინბურგიშ ომაფე ჯარალუაშ მაკათური (1850); ლონდონიშ ომაფე ჯარალუაშ მაკათური (1853); კეიტიშ მენდალი (1854); შვედეთიშ მენცარობეფიშ ომაფე აკადემიაშ ურცხოალი მაკათური (1868); შოტლანდიაშ ინჟინერიაშ დიდობაშ დარბაზი (2013)

უილიამ ჯონ მაკუორნ რენკინი (ინგლ. William John Macquorn Rankine; დ. 5 კვირკვე, 1820, ედინბურგი, შოტლანდია — ღ. 24 ქირსეთუთა, 1872, გლაზგო, შოტლანდია) — შოტლანდიარი ფიზიკოსი დო ინჟინერი, ნამუქჷთ რუდოლფ კლაუზიუსი დო უილიამ ტომსონიწკჷმა ართო მიშეღჷ დიდი კონტრიბუცია თერმოდინამიკაშ, გიშაკერზაფილო თერმოდინამიკაშ პირველი კანონიშ გოვითარაფაშა. რენკინიქ დარსხუ აბსოლუტური ტემპერატურაშ შკალა, ნამუთ თიშ ჯოხონობაშ რე. რენკინიშ შკალა კელვინიშ შკალაშ მანგურიე, მარა იზიმუ ფარენჰაიტით დო ვართ ცელსიუსით.

რენკინიქ აკიმუშუ ორქიშ ქვარქვანტეფიშ თეორიეფი, აკადგინჷ ინჟინერული მენცარობაშ დო პრაქტიკაშ ოხემანჯღვერეეფი, ნამუეფსჷთ უღუდჷ დიდი შანულობა დო ბრელ ხანს გიმირინუაფუდჷ.

რენკინი რე ავტორი შხვადოშხვა ომენცარე წინგეფიშ, სტატიეფიშ დო პუბლიკაციეფიშ.

უილიამ რენკინი გურაფულენდჷ შოტლანდიაშ ოზუღე დო ოურდუმე აკადემიას. უკულ გურაფა გაგინძორჷ ედინბურგიშ უნივერსიტეტის. ჸათაქ თიში ომენცარე ხემანჯღვერეფი რდეს რობერტ ჯეიმსონი დო ჯეიმს დევიდ ფორბსი. 1855 წანაშე რენკინი რდჷ გლაზგოშ უნივერსიტეტიშ ინჟინერიაშ დო მექანიკაშ პროფესორი.

გიშნაგორა ნახანდეფი

წინგეფი

Manual of Applied Mechanics (1858)
Manual of the Steam Engine and Other Prime Movers (1859)
Manual of Civil Engineering (1861)
Shipbuilding, theoretical and practical (1866)
Manual of Machinery and Millwork (1869)

სტატიეფი

On the Mechanical Action of Heat, especially in Gases and Vapours (1850)
On the General Law of Transformation of Energy (1853)
On the Thermodynamic Theory of Waves of Finite Longitudinal Disturbance (1869)
Outlines of the Science of Energetics (1855)

რესურსეფი ინტერნეტის