ლიბუ ქობალკაკალი (ლათ. Triticum aestivum) — ქობალკაკალიშ ჰექსაპლოიდური გვარობა (სომატურ კურთხუს 42 ქრომოსომა რე). დუდელა ბეწკამი ვარდა უბეწკე რე, ბწკარი — ტაცალე, ჩე, ჭითა ვარდა ჸვინთელი. ალაზჷმაფათ ზოთონჯგჷმარშე რე. გოლოგაგინმაღე დო ორდოშიანი ჩანარი რე, ჭყანიერ პლასტიკური, მოჸუნა დიხაშმოხანდე არძა ქიანას. იკათუანს 200-შახ სახეგვარობას. ჩინებული რე ლიბუ ქობალკაკალიშ ოაფუნე დო ოდამორჩილე ჯიში.
საქორთუოს უმენტაშო ლიბუ ქობალკაკალი რე გოფაჩილი. თინა იკათუანს უჯვეშაშ აბორიგენულ ჯიშეფს — შხვადოშხვა ეკოტიპიშ დოლიშ ქობალს, იფქლის, ხულუგოს, გომბორულას, რაჭულას დო შხვა. საქორთუოს გოფაჩილი ქობალკაკალიშ ჯიშეფს შქას არძაშე უმოსი ფართობი უკებჷ უბეწკე 1.
