ილირია
იერსახე
![](http://upload.wikimedia.org/wikipedia/commons/thumb/7/76/Illyricum_%28Imperium_Romanum%29.png/220px-Illyricum_%28Imperium_Romanum%29.png)
ილირია (ლათ. Illyria, Illyricum) — უჯვეშაშ ბორჯის ილირიალეფშე წჷმულირი ჯოხოდვალაშ გვალამი ლანდშაფტი, ნამუსჷთ მიარერიცხუანი კოკი უღუდჷ დო იდვალუაფუდჷ ადრიატიკაშ ზუღაშ ბჟაეიოლს დო ეპირუსიშ ოორუე ნორთის.
რომაალი ისტორიკოსი აპიანე თაში ეჭარჷნს ილირიას: ბერძენეფიშ თოლონჭაფუთ ილირია იდვალუაფუ მაკედონიაშ დო ფრაკიაშ ოორუეშე, ქაონეფიშ (Χαόνων) დო ტესპროტეფშე (ωεσπρωτθν) წყარმალუ ისტრაშახ. სიგანეს ილირია გვალამი მაკედონიაშე დო ფრაკიაშე იონიაშ ზუღაშა დო ალპეფიშ ჯინჯიშახ რდჷ. სიგანეს ქიანა 5 დღაშ ოულარი რდჷ, სიგჷრძას — 30 დღაშ. რომაალეფიშ გოზჷმუათ სიგანეს 1200 სტადიონი, სიგჷრძას — 6000 სტადიონი რდჷ.