უფსალაშ უნივერსიტეტი
| უფსალაშ უნივერსიტეტი შვედ. Uppsala universitet | |
  ლათ.: Universitas Regia Upsaliensis | |
| დევიზი | Gratiae veritas naturae (ლათ.) |
|---|---|
| დირსხუ | 1477 |
| ტიპი | ოჯარალე |
| ფონდეფი | SEK 7.398 მლრდ. |
| წორომახანდე | 4,135 (აკადემიური) |
| რექტორი | ანდერს ჰაგფელდტი |
| სტუდენტი | 52,241 |
| სადოქტორო | 2,228 |
| ორენი |  უფსალა, შვედეთი
|
| კამპუსი | ურბანული |
| ფერეფი | ჭუბურიშფერი დო ჩე |
| საიტი | uu.se |
უფსალაშ უნივერსიტეტი (შვედ. Uppsala universitet) — ოჯარალე უნივერსიტეტი შვედეთიშ ნოღა უფსალას. უნივერსიტეტიქ დირსხუ 1477 წანას დო თინა შვედეთიშ დო სკანდინავიაშ უჯვეშაში უნივერსიტეტი რე. მავითაამშვა, მავითოშკვითა ოშწანურეფშე უნივერსიტეტიშ რეპუტაციაქ გედიდჷ დო თიქ გინირთჷ ევროპაშ ართ-ართ პრესტიჟულ უნივერსიტეტო. შვედეთიშ მაფა გუსტავ II ადოლფი უნივერსიტეტის ფინანსურო ოხვარუდჷ. ჸათე პერიოდიშე უნივერსიტეტი ევროპაშ ართ-ართი ფინანსურო ძალიერი დო სტაბილური უმაღალაში გონათაფაშ ინსტიტუცია რდჷ. უფსალაშ უნივერსიტეტი ევროპაშ დო მოსოფელიშ პრესტიჟული დო რეიტინგული უნივერსიტეტეფიშ ტოპ-100-შ ერკებულს ასე ხოლო მუთმოხვადჷ. უფსალაშ უნივერსიტეტის ირო უღუდჷ დო უღჷ დიდი შანულობა შვედეთიშ ერუანული კულტურაშო, იდენტობაშო, ისტორიოგრაფიაშო, პოლიტიკაშო დო ლიტერატურაშო.
უფსალაშ უნივერსიტეტი იკათუანს ჩხორო ფაკულტეტის, ნამუეფით დორთილი რე სუმი დისციპლინარული დომეინით: ჰუმანიტარული დო სოციალური მენცარობეფი, მედიცინა დო ფარმაცია, მენცარობა დო ტექნოლოგია. 2020 წანაშ მუნაჩემეფით უნივერსიტეტის ჸუნდჷ დოხოლაფირო 52,000 სტუდენტი დო 2,200 ოდოქტორე პროგრამეფიშ სტუდენტი. უნივერსიტეტის ჸუნს 4,135 აკადემიური დო 2,150 ადმინისტრაციული პერსონალი.
უფსალაშ უნივერსიტეტი რე მაკათური კოიმბრაშ ბუნაშ, ევროპული უნივერსიტეტეფიშ ასოციაციაშ, უნივერსიტეტეფიშ მატარიკიშ ბუნაშ დო ინტენსიური რკვიებეფიშ ევროპული უნივერსიტეტეფიშ გილდიაშ.
უფსალაშ უნივერსიტეტიწკჷმა აფილირებული რდჷ ნობელიშ პრემიაშ 8 ლაურეატი.
ლიტერატურა
[რედაქტირაფა | წყუშ რედაქტირაფა]- Lindroth, Sten. A History of Uppsala University 1477–1977 (Almqvist & Wiksell 1976). ISBN 978-91-506-0081-0.