ახალი ზელანდია
ახალი ზელანდია (ინგლ. New Zealand), იდვალუაფუ რჩქალი ოკიანეშ ობჟათე-ბჟადალუ ნორთის, იდვალუაფუ ჟირი უდიდაშ კოკის, თე კოკეფს უძახჷნა: ოორუე-კოკი დო ობჟათე კოკი, ქიანაშ ნანანოღა რე ველინგტონი. ახალი ზელანდიაშ მახორობა აკმადგინანს მეხოლაფირო 4,315,800 ადამიერს (2009 წანაშ მუნაჩამუეფით). ქიანა რე კონსტიტუციური მონარქიაშ დო დემოკრატიული პარლამენტიშ პრინციპშა ეგაფილი დო მიშმურს გოვითარაფილ ქიანეფიშ ერკებულშა.
| New Zealand | ||||||
|---|---|---|---|---|---|---|
|
||||||
 |
||||||
| ნანანოღა | ველინგტონი | |||||
| უკაბეტაში ნოღა | ოკლენდი | |||||
| ოფიციალური ნინა(ეფი) | ინგლისური, მაორი | |||||
| თარობა | უნიტარული საპარლამენტე კონსტიტუციური მონარქია | |||||
| - | მონარქი | ჩარლზ III | ||||
| - | გენერალ-გუბერნატორი | სინდი კირო | ||||
| - | პრემიერ-მინისტრი | კრის ჰიპკინსი | ||||
| ფართობი | ||||||
| - | გვალო | 268,021 კმ2 (75-ა) | ||||
| - | წყარი (%) | 1,6 | ||||
| მახორობა | ||||||
| - | 2022 ფასებათ | 5,137,600 (121-ა) | ||||
| - | census | 4,699,755 | ||||
| - | მეჭედალა | 19,1 ად/კმ2 (167-ა) | ||||
| აგი (2019) | 0.931 (მაღალი) (14-ა) | |||||
| ვალუტა | ახალზელანდიური დოლარი (NZD) |
|||||
| ქიანაშ კოდი | NZ | |||||
| Internet TLD | .nz | |||||
| ოტელეფონე კოდი | +64 | |||||
დემოგრაფია
რედაქტირაფაახალი ზელანდიაშ მახორობაშ მუდანობა 2009 წანაშ მუნაჩამეფით აკმადგინანს 4,213.418 ადამიერს. 1995 წანას მახორობაშ მუდანობა რდჷ 2,717,625, 2004 წანას 3,993,800, 2005 წანას 3,035,461, ედომუშამო ბოლო 12 წანაშ მალობას ახალი ზელანდიაშ მახორობაქ მირდჷ 1,485,793-ით, 2,8-შა. ოშქარე წანიერი რდუალა 0,92 %-იე (2007), 0,97% (2008), ანუ ბოლო 12 წანაშ გოძვენაშა ოშქაშე წანიერი რდუალა 1,42-იე.
ახალ ზელანდიას სქირალაშ კოეფიციენტი 2009 წანაშ მუნაჩამუეფით 13,94-იე ირი 100 კვ.კმ-ის, ღურალაშ კოეფიციენტიე 7 ირი 1000 კოჩის. ბოლო 12-20 წანაშ მალობას სქირალაშ დონე ლაჸაფენს 16,24-13,72-იშ ფარგალეფს. 1995 წანას დებადჷ 16 ადამიერქ ირი 1000 კოჩის, დო 2008 წანას -14 ირი 1000 კოჩის. სქირალა ოშქარი დონეს ინარჩუნენს, ღურალაქ მირკჷ - 1995 წანას 95 კოჩიქ დოღურ 1000 კოჩის, დო 2008 წანას 7 ადამიერქ ირი 1000 კაჩის. ორთაშობური რდუალაშ კოეფიციენტი 0,8-ის აკმადგინანს.
ახალ ზელანდიას იბადებუ უმოსი ქომოლკოჩი, ვინდარო ოსური, მეხოლ. 23 ანთასით უმოსი. 15-64 წანაშ ასაკიშო ქომოლკოჩეფიში დო ოსურეფიშ მუდანობა დახე იმანგებუ (მორჩილ მუდანობათ უპირატესობა უღუნა ქომოლკოჩეფს). მახორობაშ ხანობური სტრუქტურა 2009 წანაშ მუნაჩამუეფით თენერიე, 14 წანაშ ასაკიშ მეკოროცხუათ 66,5 % (თაიშე ქომოლკოჩეფი 1,404,143 დო ოსურეფი 1,399,530), 65 წანაშ ასაკიშ ჟიდო 12,8%-იე (ქომოლკოჩეფი 244,986, ოსურეფი 293,063).
ახალი ზელანდიაშ მახორობაშ რინაშ ოშქაშე ხანი 2009 წანაშ მუნაჩამეფით 80,36 წანა რე, ქომოლკოჩეფიშ 78,43 ,დო ოსურეფიშ 82,39. ოსურეფი უმოს ხანს ცხოვრენა ვინდარო ქომოლკოჩეფი. ჩვილეფიშ ღურალაშ კოეფიციენტი ირი 1000 ახალდჷნაბადშე 4,92-იე, თენეფშე ქომოლკოჩეფი 5,53, ოსურეფი 4,27.
რელიგია
რედაქტირაფა2006 წანაშ მუნაჩამუეფით ახალი ზელანდიაშ მახორობაშ მეხოლ.56%, ქირსიანობაშ არძაშე უმოსი დენომინაციეფი წჷმორინაფილიე ანგლიკანეფით (14,9%), ლათინური გეზაშ კათოლიკეფით (12,4%), პრესვიტერიანეფი (10,9%), მეტოლისტეფით (2,9%), ბაპტისტეფით (1,3 %), შხვა ქირსიანეფით (9,4%), ახალ ზელანდიას ინდუიზმიშ დო ისლამიშ წჷმმარინაფალეფი შხუ რელიგიურ თემეფს წჷმარინუანა. შხვა რელიგიეფიში დო კონცეფციეფიშ წჷმმარინაფალეფიშ მუდანობა 0.5%-იე. ქიანას მოქმედენს მაორეფიშ სექტეფი-რაიტანა დო რინგაუ, ნამუშ გურაფა წჷმარინუანს კვიდრეფიშ რელიგიაშ დო ქირსიანეფიშ დორხველ დუს. ახალი ზელანდია რელიგიური კუნთხუთი მიარეფერუანი რე, თაქ ქირსიანობაშ დო კვიდრი მახორობაშ რელიგიური სიწიმინდეეფი ართიანშა აკმიწყორუ. თაშნერი ანალოგიური მოლინა ლაოსიშ რელიგიურ სტრუქტურეფს ვეგორე.
რესურსეფი ინტერნეტის
რედაქტირაფა- New Zealand Government portal Archived 2007-08-13 ვებ-ხასჷლას Wayback Machine.
- Ministry for Culture and Heritage
- Statistics New Zealand Archived 2011-02-26 ვებ-ხასჷლას Wayback Machine.
- Tourism New Zealand
- Te Ara, The Encyclopedia of New Zealand
- NZHistory.net.nz New Zealand history website
- New Zealand\
- New Zealand weather