Vetëvrasja e Alma Arrazit dhe 3 fëmijëve të saj në urën e Bunës në Shkodër, ishte një tjetër pikë që u diskutua në “Quo Vadis” në Vizion Plus të moderuar nga Pranvera Borakaj.
Ish-drejtuesi i lartë i Policisë, aktualisht ekspert krimesh, Shemsi Prençi bëri një deklaratë të fortë në studio, duke theksuar se në rastin e tragjedisë në familjen Arrazi në Shkodër, policia nuk ka reaguar.
Sipas tij Alma ka shkuar disa herë në polici për të bërë denoncim, por nuk i është hapur dera, pasi bashkëshorti i saj ka lidhje të forta.
“Ajo e Shkodrës ishte një ngjarje e rëndë. Por dua të them se Alma Arrazi ka shkuar disa herë në polici për të denoncuar, por nuk i është hapur dera, pasi bashkëshorti i saj ka lidhje të forta”, u shpreh Prençi.
