東張西望丨盤點何伯何太15大金句！何伯對何太一見鍾情：我留返自己用

更新時間：09:00 2024-05-15
發佈時間：09:00 2024-05-15

TVB《東張西望》近日報道，76歲何伯與年輕逾30年的內地婦閃電再婚，與五名子女反目，更疑被細女提取450萬元積蓄；何伯事件引起全城熱烈討論，不少網民認為何太貪財埋何伯身，更有網民開設「何伯&何伯老婆關注組」，至今已有近8萬人加入，還有人將何伯與何太在訪問中的金句製作為通訊軟件貼圖。《東張西望》前晚開始再次播出何伯與何太的跟進訪問，再度引起熱議，在今晚將會播出終極篇訪問前，一同重溫何伯與何太一連四集的16句金句！

東張西望丨何伯何太15大金句！

1. 第1集訪問時，何伯談與何太在街市相識的經過：「大家你眼望我眼，幾好；佢煲湯畀我飲，我就飲，佢啲湯又幾好飲，我就飲出感情，大家就簽紙。」

2. 何太談主動向何伯提出結婚，臉帶甜蜜笑意說：「同佢行密咗，發生咗啲關係，就決定結婚。」

3. 何伯談何太被子女炮轟是騙子：「我一睇到佢就係老實人。個個都針對佢，你話我幾心痛吖。」

4. 何太叫何伯從定期戶口取100萬做生意，何伯解釋：「我諗住佢……」何太即搭嘴：「想做餐飲，覺得香港餐飲業有得做。」網民笑言近年香港飲食業不景，多間食店結業，何太想法卻相當樂觀。

何太激動：你用詞用好啲，好唔好？

5. 第2集開始時，主持魏柏豪問到何伯當初為何與細女開聯名戶口，何伯說：「我都幾十歲，希望我走咗之後，佢可以繼承得到。」殊不知未有上鏡的何太在鏡頭後激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」

6. 何太曾勸老公回到子女身邊，豈料何伯服過量藥物入浴室獨處想輕生，何太邊哭邊表示：「佢後尾頂唔順，成口都係血，佢頂唔順就自己拉開度門，我一睇到，問佢做咩。我走入去，個缸全部係血。嗰時我都唔知點算，我話『你唔可以死，你死咗，第日你啲仔女嚟搵我算帳』。佢如果真係死咗，我就成咗罪人。」

何太談典當何伯名錶：我唔要「住」

7. 前晚第3集，何太為貪財解畫時，激動表示：「佢畀隻錶畀我話去當，我都唔要住，我仲有錢，我頂得住！」何太的「住」字講得極細聲，因而播出時有不少觀眾都未有留意，後來網民才發現並認為何太並非不要何伯的名錶，只是暫時不拿去典當。

8. 何太接着更爆seed說：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」

東張西望丨何太大晒流星錘大龍鳳鈪！

何伯鬧網民：我當佢哋瘋狗

9. 對於何太遭網民圍剿是騙財，何伯嬲爆鬧網民：「即係攻擊我哋嗰啲人，我當佢哋瘋狗。」

10. 何太被主持梁敏巧問到如果450萬拿不回來，會否打工養家，她表示：「我一定會諗到生存的方法，我老公唔畀我自己出去打工，無論我而家去邊，我都會帶住佢。我或者返大陸擺個地攤檔，喺街邊煎牛扒畀人食我都會帶埋佢。」

11. 對於外界質疑何太看上何伯甚麼、認定她是貪錢的女人，何太表示：「試問有邊個女人唔希望搵到個愛錫自己嘅老公？唔通我老公愛錫我都有罪？都要畀啲世人用唔好嗰啲眼光睇佢？應該羨慕我先生先啱！女網民應該羨慕我有個老公錫我先啱。我從來唔會呃人一分一毫！」

12. 何伯堅稱何太靠得住，自信表示：「根本我就挑通眼眉，邊個女人呃我，我一定睇得通。我10幾歲嚟香港，我跑過江湖，我知㗎！我認為佢老實，靠得住，咁咪娶佢。」

東張西望丨何伯再婚故事前情提要：

何伯談迷湯：啲後生仔唔夠我嚟呀！

13. 昨晚第4集訪問中，何伯與何太反擊「街市迷湯」傳言，對於有傳何太煲湯落壯陽藥，何伯冷笑道：「開玩笑。」何太則否認：「我唔識呢啲嘢。」何伯繼續激動說：「冇咁嘅事，我OK嘅，啲後生仔唔夠我嚟呀，假嘅咩？你睇我身體！」

14. 對於有指何太四出尋獵物，何太回答：「我冇印象……」而何伯即搶答說：「佢第一句同我講，我嗰時喺隔籬買報紙，揸住啤酒同佢傾下偈，我同佢感情好，佢問我有冇男人介紹一個，我話唔得喎！」何伯續道：「一係契女，老婆又得，唔係喇！我就留返自己用，做老婆，咁我就一句做老婆，做我老婆，我留返自己用。」

15. 對於與何太進展太快，何伯表示：「佢急，啱我心水，嗰時我都唔夠膽，初初我主動追唔夠膽，佢有意思，我就最好啦！我早就睇中佢，我一眼就鍾意咗佢。」

其他文章：

東張西望丨何太反擊迷湯傳言否認落壯陽藥 76歲何伯自誇：啲後生仔唔夠我嚟呀！

東張西望丨揭秘何太追求何伯4大手法！每日煲湯焗花旗蔘水認識第一日即求介紹男人

翁靜晶剖析76歲何伯事件？推翻承繼並非易事《東張西望》訪問片是最好證據

東張西望丨何太突轉口風為應付生計已變賣流星錘龍鳳鈪網民質疑前言不對後語

東張西望丨梁敏巧被何伯摸大髀？容羨媛轉發一圖關注何伯婚姻狀況

東張西望丨何太為珠寶名牌袋解畫！再晒何伯所贈10萬元流星錘龍鳳鈪梁敏巧睇到嘩嘩聲

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow