東張西望丨何太稱被前夫家暴有陰影！突發毒誓「以後搵唔到錢」何伯靠一人查清老婆底細

更新時間：20:50 2024-05-15
發佈時間：20:50 2024-05-15

今晚（15日）播出的TVB節目《東張西望》繼續有全城話題人物何伯及何太受訪，今集更有何太的18歲兒子分享對繼父何伯的觀感，直指起初覺得何伯年老：「覺得阿叔臨老入花叢，咁老都……」，而何太更回應她結過三次婚的傳聞，訪問過程中更肉緊得捏何伯大腿，而且越摸越上引起網民討論。

相關閱讀：東張西望丨盤點何伯何太15大金句！何伯對何太一見鍾情：我留返自己用

東張西望丨何太回應三度結婚傳言？

《東張西望》本周一連三日播出何伯及何太的訪問，76歲何伯與43歲何太發展忘年戀，何伯為愛妻不惜與亡妻所生的5名子女反目。對於與細女聯名戶口內的450萬積蓄被細女取走，何伯大感不滿，更斥子女貪財。何太事後被種種傳言及批評的言論困擾，早前有傳何太這次是三度結婚，有傳她與首任丈夫誕下兒子，而與第二任丈夫離婚後成功申請公屋，及後再戀上何伯。何太今晚在節目中指，自己只結過兩次婚，前夫更曾對她家暴，使她留下陰影。

何太：我好怕婚姻呢樣嘢

何太指她曾有段刻骨銘心的失敗婚姻，對她影響甚深，何太指：「我當時畀我前夫虐待過，根本上而家有咗陰影，我好怕婚姻呢樣嘢。我都打算一直湊大我個仔算，因為……係啦，因為我一直都受嗰啲虐待。所以我希望搵到個愛我、錫我嘅男人就得。無論佢咩年紀，佢懂得愛錫我就得喇！」雖然她表示害怕再婚，但與何伯相識3個月便決定結婚，似乎何伯非常打動到她。何太澄清只結過兩次婚，何伯亦「做證」，他表示：「佢跟我，我知道係第二次（結婚），佢同我講係第二次，冇第三次。加上嗰時返去廣州，我見過佢家姐，佢家姐都畀咗少少料我，就係佢嫁我，我係第二任丈夫囉！」

何太表示曾住劏房

至於有網民指何太靠前夫身份才成功申請到公屋，她回應指：「唔係，嗰時我嫁我前夫，佢都係住劏房，我哋一齊捱劏房。之後就由於性格不合就離婚，之後我就攞到身份證，同囝囝一齊申請呢間公屋。如果我講任何大話，我以後搵唔到錢，窮光蛋一個，好唔好？得未，最毒㗎喇，因為我理想係要賺好多好多錢。」

相關閱讀：東張西望丨網上瘋傳何太三大背景！疑三度結婚傳避走內地狂呻被抹黑

東張西望丨何伯子女疑似再發聲反擊？

何太18歲仔評繼父：臨老入花叢

對於媽媽找到真愛，何太的18歲兒子表示起初得知媽媽再婚非常驚訝，他說：「開頭聽我阿媽講，識咗個新男友，仲要年紀咁大，我係接受唔到，即係覺得阿叔臨老入花叢。」不過後來見到何伯對媽媽很好，他都非常放心，更將生父與何伯做比較，大讚何伯非常好，他表示：「叔叔好，唔似以前個阿爸……以前個爸爸咁呢，又打又鬧我阿媽，而家叔叔脾氣又好，對我阿媽都好好，對我都好。會買小食畀我，會去麵包舖買麵包。」他直言感覺到何伯對他的關心。對於網民批評媽媽，何太兒子表示感到心痛，認為外界對媽媽有誤會，指媽媽絕非貪錢的人：「我睇得出佢絕對唔係啲咁嘅人。」何太兒子指，出社會工作後會賺錢養媽媽及何伯，並指會全力支持媽媽。