Sepedi Leleme la Gae (HL) P2 1 LimpopoDoECapricorn-North/Phato2024

NSC Mphato wa 11 Mošomo wa 8 Asaenemente ya Dingwalo

CAPRICORN NORTH DISTRICT

NATIONAL
SENIOR CERTIFICATE

MPHATO WA 11

SEPEDI LELEME LA GAE (HL)

ASAENEMENTE YA DINGWALO
MOŠOMO WA SESWAI (8)
LEPHEPHE LA BOBEDI (2)
06 PHATO 2024

MEPUTSO: 80
NAKO: Diiri tše 2½

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 2 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

Palomoka ya matlakala a dipotšišo ke 9

DITAELO LE TSHEDIMOŠO

1. Badišiša ditaelo ka šedi le ka tlhokomelo pele o ka araba dipotšišo.

2. O se ke wa leka go bala lephephe la dipotšišo ka moka. Lebelela diteng

letlakaleng le le latelago gomme o laetše dinomoro tša dipotšišo tša dingwalo
tšeo o ithutilego tšona lenyaga. Ka morago ga moo bala dipotšišo tše gomme
o kgethe tšeo o tlogo di araba.

3. Lephephe le arotšwe ka DIKAROLO TŠE PEDI:

 KAROLO YA A: Theto (30)

 KAROLO YA B: Padi (50)

4. Araba dipotšišo tše TLHANO ka tsela ye e latelago: TŠE THARO

KAROLONG YA A, TŠE PEDI go KAROLO YA B

 KAROLO YA A: THETO
DIRETO TŠE DI BONWEGO: Araba dipotšišo TŠE PEDI.
SERETO SEO SE SEGO SA BONWA: Ke potšišo YA KGAPELETŠO.

 KAROLO YA B: PADI
Araba dipotšišo tše PEDI.

5. KGETHO YA DIPOTŠIŠO GO KAROLO YA B (PADI)

Araba dipotšišo ka puku yeo o e badilego FELA.
 Araba dipotšišo TŠE PEDI TŠE DITELELE.

6. BOTELELE BJA DIKARABO

 Go dipotšišo tše ditelele tša karolo ya Theto, karabo e be mantšu a 250 –
300.
 Go dipotšišo tše ditelele tša karolo ya Padi, karabo e be mantšu a 350 – 400.
 Kabo ya meputso e tla šoma bjalo ka tlhahlo ya botelele bja karabo yeo e
letetšwego go dipotšišo tša ditsopolwa. Balekwa ba ikemišetše go fa
karabothwii ka mokgwa wa maleba.

7. Latela ditaelo tšeo di hwetšwago mathomong a KAROLO YE NNGWE le YE

NNGWE ka kelohloko.

8. Nomora dikarabo tša gago go swana thwii le ka fao dipotšišo di nomorilwego ka

gona ka gare ga lephephe la dipotšišo.

9. Thoma KAROLO YE NNGWE le YE NNGWE letlakaleng LE LEFSA.

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 3 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

10. Nako yeo e ukangwago:

 KAROLO YA A: Metsotso ye 40
 KAROLO YA B (Potšišo ye telele): Metsotso ye 55
 KAROLO YA B (Potšišo ye telele): Metsotso ye 55

11. Ngwala ka bothakga le ka mongwalo wa go balega.

Tokelo ya ngwalollo e ileditšwe PhetlaPPheta

 Sepedi Leleme la Gae (HL) P2 4 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

KAROLO YA A: THETO
Direto tšeo di bonwego: Araba dipotšišo tše PEDI fela.

NOMORO YA POTŠIŠO POTŠIŠO MEPUTSO NOMORO YA

LETLAKALA
1. Kgoaba. Potšišo ye telele 10 6

2. O kae yena? Potšišo ye telele 10 7

LE
Sereto seo se sa bonwago: (KE KGAPELETŠO)

3. Mophološi yo bonolo. Potšišo ya setsopolwa 10 7–8

*ELA HLOKO: Mo KAROLONG YA B araba dipotšišo TŠE PEDI TŠE DITELELE

KAROLO YA B: PADI
Araba dipotšišo TŠE PEDI fela go tšwa pading ye o e badilego.
4. Leratosello. Potšišo ye telele 25 9
5. Leratosello. Potšišo ye telele 25 9
GOBA
6. Dipšhešamare tša Lusaka. Potšišo ye telele 25 9
7. Dipšhešamare tša Lusaka. Potšišo ye telele 25 9

ELA HLOKO: Mo KAROLONG YA B, kgonthišiša gore o arabile dipotšišo

TŠE PEDI TŠE DITELELE

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 5 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

LENANEOTEKOLO/LENANEOTSHWAYATSHWAYO

Dira leswao la (√) go lenaneotekolo le le latelago go kgonthišiša gore o latetše

ditaelo gabotse.

KAROLO NOMORO YA PALO YA DIPOTŠIŠO TSHWAYO

POTŠIŠO TŠEO DI ARABJAGO (√)
A: Theto
(Direto tšeo di bonwego) 1–2 2

LE

A: Theto
(Sereto seo se sa bonwago) 3 1

B: Padi
(Dipotšišo tše ditelele)
4–7 2

Ela hloko: Mo KAROLONG YA B kgonthišiša gore o arabile dipotšišo TŠE PEDI tše
ditelele.

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 6 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

KAROLO YA A: THETO

NGWEDI WA LETOPANTA– M J Mokaba et al

DIRETO TŠE DI BONWEGO: Araba tše PEDI.

SERETO SEO SE SA BONWAGO: Ke kgapeletšo

POTŠIŠO YA 1: POTŠIŠO YE TELELE

Sekaseka sereto se go ya ka dintlha tša tshekatsheko ya thetotumišo ya

segologolo:

Diteng: 06
Sebopego le polelo: 04
KGOABA – PP Malatji

1 Kgomo e a tshwa.
2 E gangwa ke mang?
3 E gangwa ke mang ge e se nna Kgoaba?
4 Ke Malope a Phaswa a Mmamogabjana
5 Ke Tlou nke ke se bowa Selema
6 Ke tla šitwa ke go itheta
7 Ke wa boSebatšana
8 Sa botšhitšhidi ya lebeto
9 Wa bo sentšha marena ntlong mathaka a tla ka go rata
10 Ke motho wa bo Makompula a Makgogo
11 Wa bo Hlakola a mabjang
12 Ke wa Magatsela a eya ganong

13 Mogolori wee!
14 MMogolori ’a ratswinyane ke maloba taba a e kwele
15 Ke motho ‘a bo Makompula a Makgogo
16 Batho ba bo Madibeletše a hlabile
17 Ka hlaba mala a seoka a šala a eme
18 Ka Malaaseoka a boLehututu
19 Ngwana ‘a Thaba ya Segatla

20 Tibane wee!
21 Ke motho ‘a bo mpatolele sekhobana
22 Ke motho ‘a bo kgwekgwe
23 Ke ngwana mmetwa ke tibu ya legapu
24 Wa bo Phepherehle ka tšhoša Matsimela
25 Phepherehle Papago Letuba la ga Pharaša.

26 Mogolori wee!
27 Ke motho ‘a bo magata ditoro nkobona
28 Ka re go gata gwa lla diroromo.

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 7 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

[Letl. 71]
[10]

POTŠIŠO YA 2: POTŠIŠO YE TELELE

Ngwala tshekatsheko ye e kgodišago ya sereto se o lebeletše tirišo ya poeletšo.

O KAE YENA? – MJ Mokaba

1 Ke mengwaga ke dula le wena Marumo

2 Ke sa phaka thoko ya bjana
3 Ke sa kgona go raloka ka melaka
4 Ke hloka kgopolo ya go go botšiša.
5 Mahlalagading ke tšwele mamohla
6 Ga ke sa mimilela marameng
7 Meno a tletše šaka la lehano.
8 Ke tseba tšeo di ntoketšego mma.

9 Ake o mpotše Marumo

10 Ke kgopela therešo ya mmakgonthe
11 Yeo e hlokago selabi
12 O kae yena tate mompelegi?
13 Tate yoo a go wešitšego letswele
14 Ka gobane ke le thagaletswalo.
15 Tate yoo a ntlišitšego go leno lefase;
16 Lefase la batswadi le bana.

17 La ka lešaka le tletše tšohle

18 Ke ja ke lahla gohle
19 Ga ke diile ke a ikgona
20 Seo ke se llelago ke tate montswadi
21 Ntle le yena bophelo ke meetlwa
22 Ake o mpotše Marumo gore o feletše kae
23 Ke ikana go mo nyaka
24 Go mo enolla bodibeng a iphihlilego
25 Ke tle ke kgone go hlabja ke phefo.
[Letl. 41]
[10]

SERETO SEO SE SA BONWAGO (KE KGAPELETŠO)

POTŠIŠO YA 3: POTŠIŠO YA SETSOPOLWA

Bala ditemanatheto tše ka tsenelelo le tsinkelo gore o tle o kgone go araba

dipotšišo tša go di latela.

MOPHOLOŠI YO BONOLO – MJ Mokaba

1 O mophološi molweladitšhiwana
2 O senatla sa ntwa ya tokologo

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 8 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

3 O etša Moše wa baIsiraele

4 Ge a ile a ba ntšha Egepeta
5 Ya gago ntwa o lwele ya go hloka marumo
6 Ya gago ntwa e bile ya mabjoko.
7 Mabjoko a go mela fase.
8 Mabjoko a go hloka megabaru.
9 Botho le bonolo bja gago bo re phološitše.

10 Lefase le a go roriša
11 Ditheto di a go swanela
12 Ditšhaba di tšere mohlala go wena.

13 Mohlala wa poelano ntle le tšhollo ya madi.

14 Molaotheo wa mmapaale o re file
15 Dinaga ka moka di bolela ka wena
16 O kganyogwa ke mašabašaba
17 O swana le todi ya dinosi
18 Yeo e ka se tsogego e šuletše motho
19 Eupša go itatswa menwana.

20 Mafase a tlile a go hlobogile

21 Mafase a fetile a go pakile
22 Mekgatlo ya boditšhabatšhaba e go retile
23 Bangwe ba go bitša Jesu
24 Bangwe ba go bitša Allah
25 Bangwe ba go apeša mainaina
26 Maina a go bontšha gore o mophološi
27 Mophološi wa thuto ya poelano
28 O sa makaditše ditšhaba
29 Bangwe ba sa tšerwe ke senthulane sa dikgopolo
30 Ga ba kwešiše gore o kgonne bjang
31 Mohlala wa gago o ka se gogolwe ke dipula.
[Letl. 46 – 47 ]

3.1 Sereto se ke sa mohuta ofe? Fahlela karabo ya gago ka ntlha E TEE. (2)

3.2 Tsopola thekniki yeo e dirišitšwego methalothetong ya 6 le 7 o be o fe

mohuta wa yona. (2)

3.3 Efa mohuta wa thekniki ye e dirišitšwego methalothetong ya 17 – 19 o be

o laetše tirišo ya yona. (2)

3.4 Laetša morumokwano wo o dirišitšwego methalothetong ya 20 le 21, o be

o fe le mohuta wa wona. (2)

3.5 Tšweletša maikutlo a gago ka diteng tša sereto se. Fahlela ka ntlha
E TEE. (2)
[10]

PALOMOKA YA KAROLO YA A: [30]

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 9 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

KAROLO YA B: PADI

Araba dipotšišo TŠE DITELELE GO TŠWA PADING E TEE YEO O E BADILEGO.

POTŠIŠO YA 4: POTŠIŠO YE TELELE

LERATOSELLO – JRL Rafapa

Laetša ka moo mongwadi a atlegilego ka gona go re alela tikologo ya padi ye.

Botelele bja karabo e be mantšu a 350 – 400.

Diteng: 15
Sebopego le polelo: 10 [25]

LE

POTŠIŠO YA 5: POTŠIŠO YE TELELE

LERATOSELLO – JRL Rafapa

Laetša ka moo mongwadi a atlegilego ka gona go tšweletša thulano ya padi ye.

Botelele bja karabo e be mantšu a 350 – 400.

Diteng: 15
Sebopego le polelo: 10 [25]
PALOMOKA YA KAROLO YA B: 50
GOBA

POTŠIŠO YA 6: POTŠIŠO YE TELELE

DIPŠHEŠAMARE TŠA LUSAKA: M Mathete

Laetša ka moo mongwadi a atlegilego ka gona go re alela tikologo ya padi ye.

Botelele bja karabo e be mantšu a 350 – 400.

Diteng: 15
Sebopego le polelo: 10 [25]
LE

POTŠIŠO YA 7: POTŠIŠO YE TELELE

DIPŠHEŠAMARE TŠA LUSAKA: M Mathete

Laetša ka moo mongwadi a atlegilego ka gona go tšweletša thulano ya padi ye.

Botelele bja karabo e be mantšu a 350 – 400.

Diteng: 15

Tokelo ya ngwalollo e ileditšwe PhetlaPPheta

Sepedi Leleme la Gae (HL) P2 10 LimpopoDoECapricorn-North/Phato2024
NSC Mphato wa 11 Mošomo wa 8 Asaenemente ya Dingwalo

Sebopego le polelo: 10 [25]

PALOMOKA YA KAROLO YA B: 50
PALOMOKA YA TLHAHLOBO: 80

Tokelo ya ngwalollo e ileditšwe PhetlaPPheta